Үндэсний хөгжил, шинэтгэлийн хороо, Монголын инновацийн холбоо, Шинжлэх ухаан технологийн их сургууль болон Солонгосын Ханбат үндэсний их сургууль, Солонгосын хөгжлийн хүрээлэнтэй хамтран зохион байгуулж буй “ТЕХНОЛОГИ БИЗНЕСИЙН ИНКУБАЦИ БА ИННОВАЦИЙН УДИРДЛАГА” сургалт-семинар ШУТИС-ийн Төв номын сангийн хурлын танхимд 2011 оны 11 дүгээр сарын 4-5-ны өдрүүдэд болж байна. Сургалт-семинарын гол зорилго нь оролцогчдын инновацийн удирдлага, технологи бизнесийн инкубаци, технологи дамжуулалтын талаарх мэдлэгийг дээшлүүлэх, гадаадын туршлагаас суралцах, мэдлэг мэдээлэл солилцох боломж олгоход чиглэгджээ.