ШУТИС-ийн ОХСҮА- ЦЕГ-тай хамтран зохион байгуулж буй “Хотын соёл” аяны арга хэмжээний  хүрээнд оюутан залуусаа тэр бум мод үндэсний хөдөлгөөнд нэгтгэн  ХУД-ийн 4 хороо Жаргалантын аманд хүний буруутай үйл ажиллагааны улмаас доройтсон ойг сэргээх  мод тарих ажилд оролцлоо.

Тус арга хэмжээ 2023 оны 10 дугаар сарын 07-нд 09:30 Сүхбаатарын талбайгаас хөдөлж 17:30 цагт ажлаа дуусгаж ирэв.

Мод тарих ажиллагаанд ШУТИС-ийн Оюутны холбоо, Клубийн нэгдсэн зөвлөлийн нийт 300 гаруй оюутан хамрагдав. Оюутнуудад АПУ компани ус, ундаагаар ханган. ЦЕГ том оврын автобусаар үйлчилж хамтран ажиллалаа. Оюутнууд нийт 2 га газарт 3000 нарс мод суулгав.

Монгол орныхоо эко системд үнэтэй хувь нэмэр оруулан амралтын нэг өдрөө зориулан ажилласан оюутан залуустаа талархал илэрхийлье.