ШИНЖЛЭХ УХААН, ТЕХНОЛОГИЙН ИХ СУРГУУЛЬ

Хуваалцах

ГХС-ийн Ази судлалын тэнхимийн Солонгос хэлний баг солонгос хэл судалж буй ШУТИС-ийн оюутнуудад солонгос хэл соёлыг сурталчилж, солонгос хэл сурах хүсэл эрмэлзлэлийг хөгжөөх, оюутнуудын мэдлэг чадварыг сорьж, авьяасыг хөгжүүлэх зорилгоор 2024 оны 10 дугаар сарын 12-нд “Хангыль үсгийн баяр”-ыг 19 дэх жилдээ уламжлал болгон зохион байгууллаа. Уг баярт ГХС-ийн Гадаад хэлний орчуулга /Солонгос хэл/ мэргэжлээр сурч буй оюутнууд болон МХТС, БУХС, МТС-ийн 2+2 хөтөлбөрийн ангийн 150 гаруй оюутан, зөвлөх багш нарын хамт оролцлоо.

Солонгос хэл нь 15-р зууны хагас хүртэл өөрийн гэсэн нэгдмэл бичиг үсэггүй байсан бөгөөд хятад үсгийг өөрийн хэлний дуудлагатай ижилсүүлж хэрэглэх, хятад үсгийг шууд авч дуудлага өөрчлөн хэрэглэх зэргээр бичгийн хэлээ тэмдэглэж байв. Жусоны вант улсын И овогт Сэжун ван 1443 онд олон эрдэмтдийн хамт Солонгос цагаан толгой болох Хангыл үсгийг зохиосон бөгөөд анх зохиогдохдоо "Хүн мин жоным" буюу "Иргэнийг сургах зөв дуудлага" хэмээн нэрийдэж байжээ.

Хангыль үсгийн баярыг ГХС-ийн Ази судлалын тэнхимийн профессор Н.Мэнд нээж, МХТС-ийн МСАБС-ын эрхлэгч Б.Мөнхбаяр баяр хүргэж үг хэлэв. Хангыль үсгийн баяраар 5 төрлийн тэмцээн зохион явуулж, оюутнуудын мэдлэг, ур чадвар, авхаалж самбааг сорив. Тэмцээнийг Солонгосын КОЙКА байгууллагын сайн дурын ажилтан Пак Хунгүг, Пак Бёнчан, Чой Дарин нар шүүн, тэмцээнийг тэгш шударгаа явуулах зарчим баримталлаа. Тэмцээний завсарлагаар ГХС-ийн 1, 2 дугаар курсын оюутнууд дэвүүрт бүжиг, цохилуур хөгжмийн тоглолт, МХТС-ийн 1 дүгээр курсын оюутнууд тэквандогийн үзүүлбэр, МХТС-ийн 2 дугаар курсын оюутнууд К-Поп дуу дуулж үе тэнгийнхэнийгээ гайхшруулав.

Цэвэр бичгийн тэмцээнийг Хангыль үсэг сураад 1 сар болж буй 1 дүгээр курсынхэний дунд зохион байгуулсан бөгөөд 1-р байр Д. Цолмон /МХТС/, 2-р байр А.Энх-амгалан /БУХС/, 3-р байр О.Нандинцэцэг /БУХС/ нар эзэлж өргөмжлөл, ном авах эрхийн бичиг, дурсгалын зүйлээр шагнуулав.
Animation-д дуу оруулах тэмцээнийг 1 дүгээр курсын оюутнуудын дунд зохион байгуулж 1-р байр МХТС-ийн А.Энхтайван ахлагчтай баг, 2-р байр МХТС-ийн Э.Ангараг ахлагчтай баг эзэлж өргөмжлөл, ном авах эрхийн бичиг, дурсгалын зүйлээр шагнуулав. К-драмд тохируулж дуу оруулах тэмцээнийг 2 дугаар курсын оюутнуудын дунд зохион байгуулсан бөгөөд 1-р байр МХТС-ийн Б.Дөлгөөн ахлагчтай баг, 2-р байр МХТС-ийн Б.Энх-Оргил ахлагчтай баг тус тус эзэлж өргөмжлөл, ном авах эрхийн бичиг, дурсгалын зүйлээр шагнуулав.
Үгийн сангийн тэмцээнийг нэгдүгээр шатны тэмцээнээс шалгарсан 1, 2 дугаар курс тус бүрийн 40, 40 оюутны дунд зохион явуулж 1 дүгээр курсын ангилалд М.Удвал /МХТС/ 1-р байр, Э.Номинзаяа /МХТС/ 2-р байр , 2 дугаар курсын ангилалд Э.Ананд /МХТС/ 1-р байр, Б.Бат-ирээдүй /МХТС/ 2-р байранд тус тус шалгарч өргөмжлөл, ном авах эрхийн бичиг, дурсгалын зүйлээр шагнуулав.
Солонгосыг хэн сайн мэдэх вэ? АХА тэмцээнд нэгдүгээр шатнаас шалгарсан 1, 2 дугаар курсын 40 оюутан оролцсон бөгөөд 1-р байрыг Ж. Анударь /МХТС, 1р курс/, 2-р байрыг Э.Маралгуа /БУХС, 2р курс/, 3-р байрыг С.Төгсжаргал /МХТС 2-р курс/ тус тус эзэлж өргөмжлөл, ном авах эрхийн бичиг, дурсгалын зүйлээр шагнуулав.
Илтгэлийн тэмцээн нь 1 дүгээр курс “Манай гэр бүл” сэдвээр, 2 дугаар курс “Миний мэдэх Солонгос орон” сэдвээр өөрсдийн зохиосон зохион бичлэгийг урнаар уншиж өрсөлдлөө. 1 дүгээр курсын ангилалд Д.Тэргэл /БУХС/ 1-байр, Г.Сарнай /МТС/ 2-р байр, 2 дугаар курсын ангилалд Б.Дөлгөөн (МХТС) 1-р байр, Б.Номинзул (МХТС), 3 дугаар курсын Гуамарал (ГХС) 1-р байр тус тус эзэлж өргөмжлөл, ном авах эрхийн бичиг, дурсгалын зүйлээр шагнуулав.

ГХС-ийн Ази судлалын тэнхимийн эрхлэгч Б.Арваазана, МХТС-ийн МСАБС-ын эрхлэгч Б.Мөнхбаяр, БУХС-ийн хамтарсан хөтөлбөрийн зөвлөх багш Т.Тамир, Б.Нямбаяр, ГХС-ийн солонгос хэлний багийн багш Н.Мэнд, П.Батцэцэг, Д.Анхтуяа, Ч.Наран, М.Билгүүн, Булганчимэг, англи-солонгос хэлний багш О.Золзаяа нар оролцож оюутнуудаа хөгжөөн дэмжиж, тэднийхээ амжилтаар бахархсан сайхан арга хэмжээ болон өндөрлөлөө.

Баярт идэвхтэй оролцсон оюутнууддаа сурлагын амжилт хүсье.