2025 оны 11 сарын 18-ны өдөр ОХУ-ын ШУА болон А.С.Пушкины нэрэмжит Орос хэлний улсын хүрээлэнгийн профессорууд “Учёные будушего” (Ирээдүйн эрдэмтэд) олон улсын төслийн хүрээнд ЭХС, ГХС, ХШУС-ийн оюутнууд, багш, судлаач нарт лекц уншлаа.

Үйл ажиллагааг нээж ХБДШ эрхэлсэн проректор Р. Бадмаанямбуу үг хэлж, А.С.Пушкины нэрэмжит Орос хэлний улсын хүрээлэнгийн нэгдүгээр проректор Павличева Елена Николаевна төслийн танилцуулага хийлээ. Үүний дараа ОХУ-ын ШУА-ын гишүүн, профессор Наумов Андрей Витальевич “Фотоника: Что может свет” сэдвээр лекц уншлаа.

Салбар лекцүүдийг Мочалова Татьяна Ивановна "Междисциплинарные подходы к исследованию языка", Олейник Андрей Владимирович "Киберфизические системы", Паевский Алексей Сергеевич "Водородная энергетика" сэдвээр тус тус лекц уншлаа. 

Дашрамд дурдахад "Учёные будушего" төслийг ОХУ-ын Шинжлэх ухаан, дээд боловсролын яамны санаачилга, дэмжлэгтэйгээр ОХУ-ын Гадаад харилцааны яам, ШУА-ын тусламжтайгаар дэлхийн 5 оронд хэрэгжүүлж байна. Уг төслийг А.С.Пушкины нэрэмжит Орос хэлний улсын хүрээлэн зохион байгуулж байгаа бөгөөд төсөлд тэргүүлэх их дээд сургууль, судалгааны байгууллагуудын мэргэжилтнүүд, нэр хүндтэй эрдэмтэд оролцож байна. Уг төсөл нь дараах үндсэн зорилготой:

1. Төрөл бүрийн салбарын шинжлэх ухааны дэвшилтэт ололт амжилтуудын танилцуулга
2. Сургуулийн сурагчид болон оюутнуудад мэргэжлийн чиг баримжаа олгох
3. Залуучуудад шинжлэх ухааны ажилд шаардлагатай ур чадварын талаар мэдээлэл өгөх, мэргэжил боловсролын чиглэлийг төлөвлөх, мэргэжил дээшлүүлэлтийг дэмжих
4. Олон улсын боловсрол, шинжлэх ухааны хамтын ажиллагааг өргөжүүлэх

Гадаад харилцааны алба