ШУТИС-ийн Хэвлэлийн газрын нярав Л.Нарангуа нь Хөдөлмөр, нийгмийн хамгааллын яамны “Нийгмийн хамгааллын салбарын тэргүүний ажилтан” тэмдгээр шагнагдлаа. Шагналыг 2025 оны 12 дугаар сарын 2-ны өдөр болсон ШУТИС-ийн Ректорын зөвлөлийн хурлын үеэр их сургуулийн ректор гардуулан өгөв. Л.Нарангуа нь ШУТИС-ийн хэвлэлийн үйл ажиллагаанд үнэнч, хариуцлагатайгаар ажиллаж, байгууллагын хэвлэмэл материалын хэвлэлт, санхүүжилт, бараа материалын бүртгэлийг мэргэжлийн түвшинд хариуцан ажиллаж ирсэн юм. Шагнал хүртсэн Л.Нарангуа танд ШУТИС-ийн хамт олны өмнөөс ажил хөдөлмөрийн өндөр амжилт, эрүүл энх, сайн сайхныг хүсэн ерөөе.