Монгол Улсын Ерөнхийлөгч Ц.Элбэгдоржийн 2013 оны 4 дүгээр сарын 16-ны өдрийн 60 дугаар зарлигаар “Хөдөлмөрийн гавьяаны улаан туг”-ийн одонгоор Барилгын инженер, архитектурын сургуулийн профессор Ж.Гэрэлхүү, Механик инженерийн сургуулийн профессор Д.Дэлэг, “Алтан гадас одон”-оор Эрчим хүчний инженерийн сургуулийн профессор Д.Өлзий-Орших, Хөдөлмөрийн хүндэт медалиар Уул уурхайн инженерийн сургуулийн кассын нярав Ж.Алтанцэцэг нар тус тус шагнагдсаныг ШУТИС-ийн ректорын зөвлөлийн 2013 оны 5 дугаар сарын 21-ний өдрийн хурлаар ректор Т.Батбаяр гардуулан өглөө.

Мөн энэ өдрийн хурлаар Эрдэнэтийн технологийн сургуулийн багш Д.Болор-Эрдэнэ “Эрдэнэт хотын нутаг дэвсгэр дээрх агаар орчны оптик төлөв ба бохирдлын судалгаа” сэдвээр хүрээлэн байгаа орчны хамгааллын ухаанаар доктор (Ph.D) зэрэг хамгаалсан тул докторын дипломоо ректор Т.Батбаяраас гардан авлаа.