/ДЭЛХИЙН АВАРГААС МЕДАЛЬ АВСАН ОЮУТАНД СУРГАЛТЫН ТӨЛӨРӨӨС ЧӨЛӨӨЛСӨН БАТЛАМЖ ГАРДУУЛЛАА

 ШУТИС-ийн МИС-ийн Тээврийн менежмент мэргэжлийн 4-р курсын оюутан Монгол Улсын Чөлөөт бөхийн шигшээ багийн тамирчин, ОУХМ О.Насанбурмаа Японы Токио хотноо зохиогдсон 2008 оны Дэлхийн аварга шалгаруулах тэмцээнээс эмэгтэй 67кг-ийн жинд хүрэл медаль хүртсэн билээ. Ийнхүү тэрээр Дэлхийн аваргаас хүрэл медаль авч байгаа Монголын гурав дахь эмэгтэй тамирчин болж байна . Эх орныхоо нэрийг дэлхийн хэмжээнд дуурсгаад ирсэн О.Насанбурмаад баяр хүргэж, 2008-2009 оны хичээлийн жилийн төлбөрөөс бүрэн чөлөөлөх батламжийг ШУТИС-ийн ректор Б.Дамдинсүрэн 2008 оны 11-р сарын 4-нд гардуулан өглөө.

Түүний амжилтаас дурдвал

• - Өсвөр үеийн Ази тивийн аваргын хошой алтан медаль
• - 2005 оны Монголын Оюутны анхдугаар их наадмын аваргын алтан медаль
• - 2007 оны Дэлхийн Оюутан Залуучуудын аварга шалгаруулах тэмцээнээс хүрэл медаль
• - 2006, 2007, 2008 оны Ази тивийн аварга шалгаруулах тэмцээнүүдээс алт, мөнгө, хүрэл медаль
• - 2008 оны Насанд хүрэгчдийн улсын аварга шалгаруулах тэмцээнээс алтан медаль
• - 2008 оны залуучуудын улсын аварга шалгаруулах тэмцээнээс алтан медаль