БНЭУ-ын Ерөнхий сайд Нарендра Модигийн Монгол Улсад хийж буй албан ёсны айчлалын хүрээнд “Атал Бихари Важпайн нэрэмжит Мэдээллийн технологи, холбоо, аутсорсингийн шилдэг төв”-ийн шав тавих ёслол боллоо. Шилдэг төв байгуулах төслийн хүрээнд БНЭУ-аас 20 сая ам.долларын санхүүжилт хийгдэх бөгөөд санхүүжилтэд барилга, техник технологи, сургалтын зардлууд багтах юм. 

“Атал Бихари Важпайн нэрэмжит Мэдээллийн технологи, холбоо, аутсорсингийн шилдэг төв”-ийн барилгын шавыг БНЭУ-ын Ерөнхий Сайд Нарендра Моди, Монгол Улсын Ерөнхий Сайд Чимэдийн Сайханбилэг нар 2015 оны 5 дугаар сарын 17-ны өдөр тавьлаа.

Уг ёслол, хүндэтгэлийн арга хэмжээнд БСШУ-ны сайд Л.Гантөмөр, Гадаад хэргийн сайд Л.Пүрэвсүрэн,  УИХ-ийн гишүүн Ё.Отгонбаяр, ШУТИС-ийн Удирдах зөвлөлийн дарга Ц.Буянцогтоо, ШУТИС-ийн Ректор Б.Очирбат, МХТС-ийн захирал Б.Сүхбат болон бусад албаны хүмүүс, Мэдээлэл, холбооны технологийн сургуулийн оюутнууд оролцлоо.