ШУТИС-ийн ректор Б.Очирбат, Шүүхийн шинжилгээний үндэсний хүрээлэнгийн захирал Х.Өлзийбаяр нар хамтран ажиллах тухай санамж бичигт 2016 оны 2 дугаар сарын 4-ний өдөр гарын үсэг зурлаа. Хамтын ажиллагааны хүрээнд ШУТИС-ийн багш нар, ажилтнуудыг шинжээчээр ажиллахад шаардлагатай хууль эрх зүй, мэргэжлийн арга зүйн сургалтууд явуулах, эрдэм шинжилгээний хамтарсан хурал, уулзалт, дугуй ширээний ярилцлага зохион байгуулах, албан хаагч багш, судлаачдын хамтарсан төсөл, хөтөлбөр хэрэгжүүлэх, хувь хүний хөгжлийг дэмжих, шинэ технологи нэвтрүүлэх, талуудын үйл ажиллагаанд инноваци нэвтрүүлэх гэх зэрэг олон чиглэлээр хамтран ажиллах юм байна.