Шинжлэх ухааны ажилтны баярын өдрийг угтаж Эрдэм шинжилгээний алба Дулааны техник, үйлдвэрлэлийн экологийн хүрээлэн хамтран хамтран 2016.10.18-ны өдрийн 10:00 цагт Дулааны техник, үйлдвэрлэлийн экологийн хүрээлэнгийн хурлын зааланд "Бага оврын дулааны үүсгүүрийн хийцийн судалгаа, хөгжил" сэдвээр нээлттэй семинарыг зохион байгууллаа.

Нээлттэй семинарт Эрчим хүчний сургууль, Барилга архитектурын сургууль, Хэрэглээний шинжлэн ухааны сургууль, Дулааны техник, үйлдвэрлэлийн экологийн хүрээлэнгийн эрдэмтэд, судлаачид оролцов.

Семинарын үеэр Бага оврын дулааны үүсгүүрийн өнөөгийн байдал, хийцийн судалгаа, тулгамдаж буй асуудлууд, цаашдын хөгжлийн талаар нээлттэй ярилцав. Мөн Бага оврын дулааны үүсгүүртэй холбоотой салбар дундын судалгааг хөгжүүлэх, тус хүрээлэнтэй хамтран ажиллах боломжийн талаар санал солилцов.