2017 оны 02-р сарын 17-ны өдөр ШУТИС-ийн Төв номын сангийн хурлын танхим(604 тоот)-д ШУТИС-ийн харьяа Хөнгөн Үйлдвэрийн Судалгаа, Хөгжлийн Хүрээлэн (ХҮСХХ), ШУТИС-ийн бүрэлдэхүүн Үйлдвэрлэлийн Технологийн Сургууль, Art Mongolia уран бүтээлчдийн нэгдэл хамтран “Текстил-2017” өдөрлөгийг зохион байгууллаа. Тус өдөрлөгийн үеэр ХҮСХХ дээр хэрэгжиж буй Шинжлэх ухаан технологийн төслүүдийн үр дүнг товч танилцуулж, эрдэм шинжилгээний ажлын үр дүнд бий болсон бүтээгдэхүүний үзэсгэлэн-худалдааг хийлээ. Уг үзэсгэлэн-худалдаанд ХҮСХХ, ҮТС-ийн багш, оюутан, төгсөгчид, “Blue sky” ХХК, “Ноёрхол” ХХК, Art Mongolia-ийн ноос ноолуур, савхин бүтээгдэхүүн тавигдав. Өдөрлөг, үзэсгэлэн- худалдаа амжилттай боллоо.