XVII жарны “Алтан унжлагат” хэмээх гал тахиа жилийн үндэсний уламжлалт баяр “Цагаан сар”-ын баярыг тохиолдуулан Монгол Улсын Ерөнхийлөгчийн 2017 оны 2 дугаар сарын 20-ны өдрийн 28 дугаар зарлигаар боловсрол, соёл, шинжлэх ухаан, спортын салбарт олон жил, үр бүтээлтэй ажилласан хүмүүст төрийн одон медаль хүртээв.

      Шагнал хүртсэн багш нарыг ШУТИС-ийн ректорын зөвлөл болон хамт олон нь эрдмийн зөвлөлийн өрөөнд хүлээн авч хүндэтгэл үзүүллээ.  “Хөдөлмөрийн гавьяаны улаан тугийн одон”-гоор ЗМГ-ын ажилтан Л.Гүрбазар, ХШУС-ийн ахмад багш С.Энхтуяа, МХТС-ийн ахмад багш П.Давааням, “Алтан гадас” одонгоор МехТС-ийн ахлах багш Ц.Оюунгэрэл, ЭХС-ийн ахлах багш Я.Содбаяр, профессор Б.Сэргэлэн, МХТС-ийн ахлах багш Д.Долгорсүрэн, дэд профессор Д.Эрдэнэчимэг, БАС-ийн ахмад багш Л.Эрдэнэтуяа, “Хөдөлмөрийн хүндэт медаль”-аар ҮТС-ийн дэд профессор Н.Ганзориг, ахлах багш Б.Арвинбаяр, ТДИТ-ийн захирал Д.Хашбаяр, МХТС-ийн ахмад ажилтан А.Нарангэрэл, ШУТАС-ийн захирал Г.Адьяахүү,  Эрүүлийг хамгаалахын тэргүүний ажилтан тэмдгээр ЭМТ-ийн сувилагч Б.Эрдэнэчимэг нар тус тус шагнагдсаныг ШУТИС-ийн Ректор Б.Очирбат гардуулан өгч баяр хүргэлээ.