Монголын эрдэмтэн судлаач нарын судалгааны ажлын дүнгээр БОАЖЯ, Монголын ШУА-с эрхлэн “Монгол орны байгаль орчин” гэсэн нийтдээ 172.2 хэвлэлийн хуудас бүхий 5 боть номыг “Мөнхийн үсэг” хэвлэлийн газраар хэвлүүлэн гаргав. Энэхүү бүтээлийн Монгол орны агаар орчны төлөв, бохирдлын бүлгийг ШУТИС-ийн ХШУС-ийн профессор Н.Түгжсүрэн,  доктор С.Туяа нар оролцон бичсэн байна. Номын өмнөх өгүүлэлд  “...энэ бол Монголын байгалийн ухааны эрдэмтэн судлаачдын сүүлийн хагас зуун жилд хийсэн судалгааны ажлын үр дүнг нэгтгэсэн оюуны үнэт бүтээл” хэмээн БОАЖ-ийн сайд Н.Цэрэнбат, Монголын ШУА-ийн ерөнхийлөгч, академич Д.Рэгдэл нар үнэлжээ.