Үйлдвэрлэлийн технологийн сургуулийн Хөнгөн үйлдвэрлэлийн технологи, инженерчлэлийн салбарын профессор Шинжлэх ухааны доктор /Sc.D/, Профессор Л.Удвал ОХУ-ын Ивановын Политехникийн Их Сургуулийн /ИВГПУ/ дэргэдэх “Известия вузов, Технология текстильной промышленности” олон улсын сэтгүүлийн редакцын зөвлөлд ажиллах урилга хүлээн аваад байна. Уг сэтгүүл нь олон улсад зөвшөөрөгдсөн  Scopus болон  Chemical Abstracts Service (CAS) ангилалд багтдаг чансаа өндөр сэтгүүл болно. Олон улсын эрдэм шинжилгээний сэтгүүлийн редакцад ажиллах болсон багшдаа баяр хүргэхийн сацуу салбарын эрдэм шинжилгээ, судалгааны баазыг бэхжүүлэх, гадаад хамтын ажиллагааг хөгжүүлэх чиглэлд хэрэгжүүлж буй ажилд тань амжилт хүсье.