1. Тэтгэлэгт хамрагдах хүний тоо: 30 магистр, доктор, судлаач.
2. Сургалтын хугацаа: Магистрын сургалт 2 жил, докторын сургалт 3 жил, судлаачийн сургалт 0,5-1 жил, хэлний бэлтгэл 1 жил (БНСУ-ын Боловсролын хяналт–шинжилгээ, үнэлгээний хүрээлэнгийн Солонгос хэлний түвшин тогтоох шалгалтын 5 дугаар түвшингээс доогуур оноо авсан хүмүүс хэлний бэлтгэл сургалтад хамрагдана).
3. Тавигдах шаардлага:
- Монгол Улсын иргэн байна;
- 1968 оны 9 дүгээр сарын 1-ний өдрөөс хойш төрсөн байна (судлаачийн сургалтад хамрагдах хүмүүст насны хязгаар тавихгүй);
- Магистрын сургалтад хамрагдах хүмүүс бакалавраас дээш, докторын болон судлаачийн сургалтад хамрагдах хүмүүс магистраас дээш боловсролтой байна;
- Бакалавр, магистрын дипломын голч дүн 80-аас дээш байна;
- Англи хэлний мэдлэг (TOEFL-ийн 550, CBT-ийн 173, IBT-ийн 61, IELTS-ийн 5,5, TOEIC- ийн 750 ба түүнээс дээш оноо)-тэй байна;
- Өмнө нь БНСУ-д тэтгэлэгт сургалтад хамрагдаагүй байна;
- Судлаачаар суралцах хүмүүс нь БНСУ-ын их сургууль, эрдэм шинжилгээний байгууллагын урилгатай байна;
- Магистр, доктор, судлаачийн сургалтад хамрагдах их, дээд сургуулийн багш нар сургуулийн тодорхойлолттой байна.
Тайлбар: БНСУ-ын их сургуулийн магистр, докторын үндсэн сургалтад хамрагдаж буй хүмүүсийг шалгаруулалтад оруулахгүй.
4. Тэтгэлгийн хэмжээ: Магистр, докторын сургалтын төлбөр, судалгааны ажлын зардал, хэвлүүлэлт, хэлний бэлтгэлийн төлбөр, сар бүрийн амьжиргааны тэтгэлэг (900.000 вон), хоёр талын онгоцны билет, эрүүл мэндийн даатгал.
5. Бүртгэл: Бүртгэлийг 2008 оны 5 дугаар сарын 26-ны өдрөөс 5 дугаар сарын 30-ны өдрийг хүртэл 10:00-17:00 цагийн хооронд Шинжлэх ухаан, технологийн их сургуулийн хичээлийн төв байрны 401 тоот өрөөнд явуулна (лавлах утас: 322552).
6. Бүрдүүлэх бичиг баримт:
- Анкет (маягтын дагуу);
- 4*5 хэмжээтэй өнгөт цээж зураг (сүүлийн 3 сарын дотор авахуулсан байна);
- Бакалавр, магистрын диплом, дүнгийн хавсралтын хуулбар (докторантурт болон судлаачаар суралцах хүмүүст хамаарна);
- Баклаврын диплом, дүнгийн хавсралтын хуулбар (магистрантурт суралцах хүмүүст хамаарна);
- Ажил байдлын тодорхойлолт (тухайн мэргэжлээр суралцах бэлтгэл, эрдэм шинжилгээний ажлын туршлага, зан төлөвийн онцлогийг нь тодорхойлсон байна);
- Удирдагч багшийн тодорхойлолт (маягтын дагуу);
- Өөрийн танилцуулга (маягтын дагуу);
- Тангарагийн бичиг (маягтын дагуу);
- Суралцах төлөвлөгөө (маягтын дагуу);
- Англи хэлний түвшин тогтоох шалгалт өгсөн тухай баримт;
- Солонгос хэлний түвшин тогтоох шалгалт өгсөн тухай баримт (хэлний бэлтгэлгүйгээр шууд үндсэн ангид элсэн суралцах хүмүүст хамаарна);
- Судлаачийн сургалтад хамрагдах хүмүүс албан газрын тодорхойлолт болон сургуулийн тодорхойлолтоо ирүүлнэ;
- Эрүүл мэндийн тодорхойлолт (шалгаруултад тэнцсэн хүмүүс нэмж бүрдүүлнэ);
- Бүртгэлийн хураамж 10000 төгрөг.
Тайлбар: Бүх бичиг баримтыг англи буюу солонгос хэл дээр бүрдүүлэх бөгөөд бичиг баримтын хуулбарыг нотариатаар баталгаажуулсан байна. Бүрдүүлэх баримт бичгийн маягтууд болон энэ тэтгэлэгт сургалтын талаарх бусад мэдээллийг БНСУ-ын Олон улсын боловсролын хөгжлийн үндэсний хүрээлэнгийн вэб сайт (www.ied.go.kr)-ын “Гадаад оюутнуудад зориулсан мэдээлэл” гэсэн хэсгийн “БНСУ-ын Засгийн газрын тэтгэлэгт хөтөлбөр”-ийн “FAQ” булангаас татаж авна уу. Материалаа дутуу буюу буруу бүрдүүлсэн, бүртгэлийн хугацаанаас хоцорсон хүнийг бүртгэхгүй.
7. Шалгаруулалт: Шалгаруулалтыг ярилцлага хэлбэрээр зохион байгуулна. Ярилцлагад орох цагийн хуваарийг 2008 оны 6 дугаар сарын 3-ны өдрийн 17:00 цагт Боловсрол, соёл, шинжлэх ухааны яамны үүднийн самбар дээр зарлана. Ярилцлагад тэнцсэн хүмүүсийн материалыг БНСУ-ын холбогдох байгууллагад хүргүүлэх бөгөөд суралцуулах тухай эцсийн шийдвэрийг хүлээн авах тал, суралцах сургуультай хамтран гаргана.
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
