2009 оны Япон Улсын Засгийн газар (Японы Боловсрол, шинжлэх ухааны яам) – ын тэтгэлэгт оюутан элсүүлэх шалгалтын өмнө урьдчилсан шалгалт зохион байгуулах магадлалтай байгааг мэдэгдье.
Өнгөрсөн жил тус шалгалтыг нийт 1300-аад оюутан шалгалт өгч байсан ба жилээс жилд шалгалт өгөгчдийн тоо ихсэж байгаа. Энэ жилийн хувьд өнгөрсөн жилийнхээс илүү олон оюутан шалгалт өгөх төлөвтэй байгаа учир үүнтэй холбогдуулан энэ жилээс их сургуулийн үндсэн анги, мэргэжлийн сургууль гэх мэт аль нэг чиглэлээр олон оюутан шалгалт өгөх тохиолдолд жинхэнэ шалгалтын өмнө урьдчилсан шалгалт зохион байгуулах болно.
Урьдчилсан шалгалт болох эсэх мөн урьдчилсан шалгалт хэзээ зохион байгуулагдах талаарх тодорхой мэдээллийг 5-р сарын 31-ны бямба гаригт Японы элчин сайдын яамны вэб сайтаар болон зарлалын самбараар мэдээллэх болно.
Та бүхэн биднийг ойлгон хүлээн авч, хамтран ажиллахыг хичээнгүйлэн хүсч байна.
ЯПОН УЛСААС МОНГОЛ УЛСАД СУУГАА ЭЛЧИН САЙДЫН ЯАМ
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
