ШИНЖЛЭХ УХААН, ТЕХНОЛОГИЙН ИХ СУРГУУЛЬ

Олон улсын дизайнеруудын тэмцээнд ШУТИС, ҮТС-ийн дизайны салбарын оюутнууд шилдгийн шилдгээр тодорлоо.

ОХУ-ын Уралын холбооны их сургуулиас 3 дахь жилдээ зохион байгуулагдаж байгаа олон улсын Дизайнеруудын уралдаан хакатонд Монгол, Турк, Пакистан, ОХУ-с дизайнерууд оролцсон. Энэ жилийн хакатоны сэдэв нь "Тав тухтай гэр, тохилог орчин" байлаа.

Цар тахлаас шалтгаалан дэлхий дахинд харилцааны чиг хандлага өөрчлөгдөж цахим хэлбэрт шилжсэн. Энэ нь бидэнд олон улсын оюутан залуустай өрсөлдөж, мэдлэг чадвараа сорих, өөрсдийн онцлогийг харуулах боломж олдсон. Нийт 20 хоног тасралтгүй ажилласан бөгөөд эхний өдөрт санаа эрэлхийлэх хэсэг, дараагийн өдрүүдэд санаа хөгжүүлэх, загвар гаргах, материалаа судлах, төслөө танилцуулах гэх зэргээр цаг хугацаа нарийн хуваарьтай байсан.

Уг тэмцээнд орон орны 12 эксперт оролцсоноос ОХУ-гаас 9, Энэтхэгээс 1, БНХАУ-аас 1, Монголоос ШУТИС, ҮТС-ийн дизайны салбарын дэд профессор Б.Сэргэлэн нар байв.

Монголоос ШУТИС-н ҮТС-н дизайны салбараас 4 баг бүрдүүлэн Хакатоны төсөлд хай тек хэв маягийн гэрлийн загварын шалгаруулалтад оролцох хүсэлтээ илгээсэн бөгөөд уг номинацад 16 баг оролцсон билээ /үүнд 4 монгол баг, Туркийн 2 баг, Оросын 8 баг, Пакистаны 1 баг болон Армены 1 баг тус тус оролцсон байна/. Үүнээс Монгол оюутнуудын амжилттыг танилцуулахад, Тэргүүн байрыг ШУТИС-ийн “Flair club” эзэлж, онцлох 2 шагнал: “Нийгмийн шилдэг төсөл”, “Шилдэг санаа” 2 тусгай шагналыг тус тус хүртсэн байна. ШУТИС-н дизайны салбарын оюутнууд олон улсад өрсөлдөж, чадал чансаагаа харуулж, бахархам амжилт гаргасан оюутнууддаа амжилт хүсье!!!!!

СҮҮЛД НЭМЭГДСЭН

Канадын Йоркийн их сургууль болон Шинжлэх Ухаан Технологийн их сургууль хамтран хэрэгжүүлэх судалгааны төслийн нээлтэд зориулсан Эрдэм шинжилгээний хурал зохион байгуулагдлаа