2022-оны 4-р сарын 12-ний өдөр ШУТИС-ийн Эрдэм шинжилгээ, Хамтын ажиллагаа эрхэлсэн дэд захирал Проф. Д.Цолмонбаатар Бүгд Найрамдах Казакстан Улсын Евро-Азийн Их сургуулийн Хамтын ажиллагаа, гадаад оюутны асуудал эрхэлсэн захирал Проф. Паратхан Ботагоз, Цөмийн физикийн салбарын эрхлэгч Проф. Амангелдi Нурлан нарыг хүлээн авч уулзлаа. Уулзалтын үеэр Проф. Д.Цолмонбаатар ШУТИС-ийн талаар төлөлөгчдөд танилцуулж, тус их сургуультай багш оюутан солилцоо, барилга, механик болон физикийн хамтарсан ЭШ, судалгааны ажил хийх, хамтарсан хөтөлбөр хэрэгжүүлэх, оюутнууд харилцан дадлага хийх зэргээр хамтран ажиллах талаар ярилцаж санал бодлоо солилцлоо.
Казакстаны Евро-Азийн их сургууль нь Целиноградын барилгын дээд сургуулийг, Целиноградын багшийн дээд сургуультай нэгтгэн 1996 онд байгуулагдсан бөгөөд дэлхийн их, дээд сургуулиудын “QS World Universities” рейтингээр дэлхийн шилдэг 400 их сургуульд ордог, барилга, математик, цөмийн физикийн судалгаагаар улсдаа тэргүүлдэг сургууль юм. Цаашид ШУТИС-тай хамтарсан хөтөлбөр хэрэгжүүлж, 25 хүртэл оюутныг элсүүлэх, үүний дотор 4 оюутныг бүрэн тэтгэлэгтэйгээр Евразийн их сургуульд сургах, мөн Казакстаны ерөнхийлөгийн нэрэмжит тэтгэлэгт хөтөлбөрт оюутнуудыг хамруулах, ШУТИС-иас зочин профессор урин, холбогдох зардал, цалинг олгож ажиллуулах боломж байгаа талаар төлөөлөгчид танилцуулж, ойрын хугацаанд хоёр их сургуулийн хооронд хамтран ажиллах санамж бичиг байгуулах талаар хоёр тал тодорхой чиглэлүүдээр судлахаар тохиров.
Газрын тосны салбарын мэргэшсэн, зөвлөх инженерийн зэрэг сунгах сургалтыг амжилттай зохион байгууллаа
ШУТИС-ийн 65 жилийн ойн хүрээнд зохион байгуулж буй багш, ажилчдын дундах “MUST CUP 2024” хөл бөмбөгийн аварга шалгаруулах тэмцээн амжилттай болж өнгөрлөө
“Тоон системийн удирдлага” бүтээлийн 50 хувийг ШУТИС-д хандивлав
ШУТИС-ийн Ахмадын зөвлөлийн бүрэлдэхүүн шинэчлэгдэв
ШУТИС-ийн нэгдүгээр курсийн зөвлөх багш нарт сургалт, семинар зохион байгуулагдлаа