2022 оны 05 дугаар сарын 18-ны өдөр ШУТИС-ийн Захирлын үүрэг гүйцэтгэгч Т.Намнан, Эрдэм шинжилгээ, хамтын ажиллагаа эрхэлсэн дэд захирал Д.Цолмонбаатар нар Япон улсын Санко группын ерөнхийлөгч ноён Шимизу Норимаса, “Санко Тек Монголиа” ХХК-ийн Захирал Ч.Цэндээхүү, “Санко Маркетинг Монголиа” ХХК-ийн захирал Г.Нямдэлгэр, “И ЭС БИ Солар Энержи” ХХК-ийн захирал С.Хүрэлбаатар нарыг хүлээн авч уулзаж, хамтын ажиллагааны гэрээ байгууллаа.
Энэхүү гэрээг байгуулснаар манай сургуулийн эрдэмтэн багш, оюутнуудын эрдэм шинжилгээний ажил, оюуны бүтээлүүдийг “Санко Групп”-ын металь эд анги боловсруулах үйлдвэр болон нарны зайн үйлдвэрлэлд нэвтрүүлж, шилдэг бүтээлүүдийг бүтээлчээр хэрэгжүүлэхэд хамтран ажиллах, ШУТИС”-ийн төгсөгч оюутнуудыг ажлын байраар хангах, сүүлийн үеийн өндөр технологи, тэдгээрийг үйлдвэрлэлд нэвтрүүлэх, зах зээлд гаргах зэрэгт дадлагажуулах, Япон улс дахь толгой компанид орчин үеийн технологийг эзэмших боломжоор хангах боломжтой болж байгаа юм.
Мөн ШУТИС-ийн Эрдэм шинжилгээ, инновацийн төв байранд Санко группын хөрөнгө оруулалтаар дундын оффис нээх саналыг ШУТИС-ийн зүгээс тавилаа.
Олон жилийн найрсаг харилцаат Санко группын хамт олондоо ажлын өндөр амжилт хүсэн ерөөе.
“Инженерийн шилдэг шийдэл бүхий дипломын төсөл шалгаруулах” арга хэмжээг анх удаа зохион байгууллаа
Зэргийн бус сургалтын гэрчилгээ олголоо.
ШУТИС-ийн гурван багш төрийн дээд цол хүртлээ
ШУТИС-ийн ректор Т.Намнан Унгарын Элчин сайдыг хүлээн авч уулзлаа
ШУТИС-д Туркийн хамтын ажиллагаа, зохицуулалтын агентлаг (TİKA)-аас "Жазари” лабораторийг байгуулж, дадлагын сургалтыг зохион байгууллаа
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
