ШУТИС-ийн оюутан залуусын хувь хүний хөгжил, багийн ажиллагааг хөгжүүлэн төлөвшүүлэх, хүсэл сонирхолыг нь дэмжин чиглүүлэх, нийгмийн шаардлагад нийцсэн чадварлаг боловсон хүчин бэлтгэн суралцуулахад мэргэжлийн болоод сайн дурын, урлагийн клубүүдийн үүрэг оролцоо чухал нөлөөтэй байдаг тул бид клубүүдийн үйл ажиллагааг тууштай дэмжин ажиллах бодлогын хүрээнд ШУТИС-ийн клубүүдийн нэгдсэн зөвлөлийг байгуулан ахлагчийг оюутан залуусын төлөөллөөр сонгон шалгаруулан ажиллуулдаг уламжлалтай.
2021-2022 оны хичээлийн жилд БАС-ийн Архитектурын ангийн оюутан Х.Оюунтүлхүүр клубүүдийн нэгдсэн зөвлөлийг удирдан, чиглүүлэн амжилттай ажиллаад 2021-2022 оны хаврын улирал төгсөж байгаа тул 2022-2023 оны хичээлийн жилээс эхлэн ХШУС-ийн Нано Шинжлэх Ухаан инженерчлэлийн 2-р курсийн оюутан О.Сансармаа клубүүдийн нэгдсэн зөвлөлийн ахлагчийн ажлыг удирдан зохион байгуулан ажиллахаар сонгогдож 2022.06.24-ны өдөр ШУТИС-ийн клубүүдийн нэгдсэн зөвлөлийн ахлагчийн ажлыг хүлээлгэн өглөө.
КНЗ-ийн ахлагчаар сонгогдсон О.Сансармаадаа ажлын амжилт хүсэн ерөөе.
Клубүүдийн үйл ажиллагааны тайлан болон бусад мэдээллийг https://www.must.edu.mn/mn/clubuud/ авах бүрэн боломжтой.
2021-2022 оны хичээлийн жилийн намрын улирлын тайлантай танилцана уу. https://www.must.edu.mn/media/uploads/2022/06/07/tailan.pdf
Оюутны соёл, үйлчилгээний алба
Клубүүдийн нэгдсэн зөвлөл
Газрын тосны салбарын мэргэшсэн, зөвлөх инженерийн зэрэг сунгах сургалтыг амжилттай зохион байгууллаа
ШУТИС-ийн 65 жилийн ойн хүрээнд зохион байгуулж буй багш, ажилчдын дундах “MUST CUP 2024” хөл бөмбөгийн аварга шалгаруулах тэмцээн амжилттай болж өнгөрлөө
“Тоон системийн удирдлага” бүтээлийн 50 хувийг ШУТИС-д хандивлав
ШУТИС-ийн Ахмадын зөвлөлийн бүрэлдэхүүн шинэчлэгдэв
ШУТИС-ийн нэгдүгээр курсийн зөвлөх багш нарт сургалт, семинар зохион байгуулагдлаа