“Их сургууль, эрдэм шинжилгээний байгууллагын оюуны өмчийн харилцааны асуудлууд” эрдэм шинжилгээний хурал 2012 оны 4 дүгээр сарын 17 нд амжилттай болж өндөрлөв.
Монгол улсад, үндэсний инновацын тогтолцоог хөгжүүлж оюуны өмчийн биет бус хөрөнгийг эдийн засгийн эргэлтэнд оруулах замаар Монгол улс аж үйлдвэржих, мэдлэгт тулгуурласан эдийн засгийн харьцаанд шилжин ороход их сургууль, эрдэм шинжилгээний байгууллагууд тэргүүлэх үүрэг гүйцэтгэх шаардлагатай байгаа. Энэ үүргийг гүйцэтгэхэд юуны өмнө их сургууль, эрдэм шинжилгээний байгууллагуудын өөрийн олон жилийн үйл ажиллагааны үр дүнд буй болгосон оюуны өмч, бүтээлийг эрх зүйн хувьд баталгаажуулах, цаашилбал оюуны өмчийн онцгой эрхийг хэрхэн өмчлөх, эзэмших мөн уг онцгой эрх, биет бус хөрөнгийг ашиглан бүтээсэн биет баялгаас хэрхэн, яаж эдийн засгийн хувь хүртэх зэрэг харилцааг зохицуулах нь өнөөдрийн нэн тулгамдсан асуудлуудын нэг болж байгаа юм.
Иймд тус хурлыг Монгол улсын БСШУЯам, Засгийн газрын хэрэгжүүлэгч агентлаг Оюуны өмчийн газар, ЮНЕСКО –гийн Боловсрол, мэдээлэлийн технологийн хүрээлэнтэй хамтран зохион байгуулсан бөгөөд манай улсын төрийн болон төрийн бус байгууллагууд, их дээд сургууль, Шинжлэх ухааны академи бусад байгууллагуудын төлөөлөгчид хурлын хэлэлцэх асуудлын чиглэлээр нийт 25 –н илтгэлийг нэг өдөрт багтаан үндсэн болон “Технологи Дамжуулалт ба Оюуны Өмч” мөн “Цахим Оюуны Өмчийн эрхийн асуудлууд” гэсэн хоёр салбар хуралдаанаар амжилттай хэлэлцүүллээ.
Энэхүү хуралд гадны байгууллагын төлөөлөгчид идэвхи санаачлагатайгаар оролцсон ба тухайлбал ЮНЕСКО –гийн Боловсрол, мэдээлэлийн технологийн хүрээлэнтэй захирал Проф. Др. Д. Бадарч багш болон Япон улсаас ирсэн Creative Common, Japan төслийн удирдагч хатагтай Чиаки Хаяаши нар оролцож цахим оюуны өмчийн эрхийн харилцаа болон нээлттэй сургалт, судалгааны материалыг хэрхэн зохиогчийн эрхийг хөндөхгүйгээр ашиглах боломжийн талаар мэдээлэл хийн уг байгууллагын үйл ажиллагааны талаар дэлгэрэнгүй танилцуулав.
Монгол Улсын нийгэм, эдийн засгийн хурдацтай өөрчлөлт, шинэчлэл, хөгжилд ШУТИС-ийн зүгээс vзvvлэх үр нөлөөг дээшлүүлэх зорилгоор их сургуулийн бүтээсэн оюуны өмчийг бизнес мэдрэмж, сэтгэлгээгээр эдийн засгийн эргэлтэнд оруулах, Монгол Улсын инженерын дээд боловсролыг олон улсын жишигт хүргэн хөгжүүлэх, түүнчлэн ШУТИС-ийн Энтрепренер их сургууль болгон хөгжүүлэх “ШУТИС-ийн хөгжлийн стратегийн замын зураглал, 2012-2021” хөтөлбөр болон бусад тавьсан зорилт, хөтөлбөрүүдийг амжилттай хэрэгжvvлэхэд тус зохион байгуулсан ”Их сургууль, эрдэм шинжилгээний байгууллагын оюуны өмчийн харилцааны асуудлууд” сэдэвт эрдэм шинжилгээний хурал чухал ач холбогдолтой, цаг үеэ олсон дээрхи асуудлуудыг нээлттэйгээр тавьж энэ чиглэлээр анхлан зохион байгуулсан эрдэм шинжилгээний хурал боллоо хэмээн манай эрдэмтэн багш нар, бусад хуралд оролцогсод өндрөөр үнэлж байлаа.
Улс орны нийгэм, эдийн засгийн хөгжлийн цаашдын чиг хандлага, тулгамдсан асуудлуудтай их сургуулийн бодлого, үйл ажиллагааг уялдуулах түүнчлэн их сургууль, эрдэм шинжилгээний байгууллагууд, профессор багш, эрдэмтэн судлаачдын эрх ашгийг хамгаалах, оюуны өмчийн эрхийн харилцааны талаар нийгмийн үзэл бодол, ойлголтыг ойртуулах, мэдлэгийн эдийн засаг, инновацийн удирдлага, технологи дамжуулах нэгжийг үүсгэн байгуулах талаар харилцан мэдээлэл солилцох, мэдлэг олгох, асуудал дэвшүүлэх, улмаар шилдэг туршлагаас суралцах шаардлага бидэнд байгаа тул дараахи
1.Оюуны өмчтэй холбоотой хууль эрх зүйн орчныг боловсронгуй болгох талаар;
тэдгээрийг шинээр боловсруулж буй оюуны өмчийн тухай хуулийн төсөлд тусгаж өгөх,
2. Оюуны өмчийг эдийн засгийн эргэлтэнд оруулах талаар;
3. Цахим оюуны өмчийн эрхийн харилцаа болон нээлттэй сургалт, судалгааны материал
хурлын үр дүн, зөвлөмж чухал ач холбогдолтой хэмээн үзэж байна.
Инноваци, Технологи Дамжуулалтын Алба
“Open Campus – 2025” нээлттэй өдөрлөг амжилттай боллоо
“ГАЗРЫН ТОСНЫ БОЛОВСРУУЛАЛТЫН ТЕХНОЛОГИ” бакалаврын 2+2 хамтарсан хөтөлбөрийн гэрээ байгууллаа.
“Нэг бүс нэг зам” хил дамнасан ухаалаг тээвэр, автомат жолоодлогын тээврийн хэрэгсэл, ногоон, түгжрэлгүй хот хамтарсан лаборатори байгуулна
“Олон улсын шинжлэх ухааны мэдээллийн сангийн ашиглалт, түүний санхүүжилт, үр нөлөөг нэмэгдүүлэх арга зам” сэдэвт хэлэлцүүлэг зохион байгуулагдлаа
Монголын 2025 оны оюутны УАШТ-д нийт 26 их дээд сургууль оролцсоноос доктор, профессор Т.Намнан ректортой ШУТИС-ийн баг 50 оноогоор хоёрдугаар байранд шалгарлаа
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
