2022 оны 10-р сарын 20-ны “Дэлхийн ёс зүйн өдөр”-ийг тохиолдуулан ШУТИС-ийн БуХС-ын Хүмүүнлэгийн Ухааны Салбараас “Монголын Эмнести Интернэшнл” хүний эрхийн байгууллагын захирал Б.Алтантуяаг урьж “Технологи-Хүний эрх-Цахим орчин” сэдэвт лекцийг ШУТИС-ийн оюутнуудад уншууллаа.
Тэрээр ШУТИС-ийн “Инженерийн ёс зүй”, “Менежерийн ёс зүй” хичээлийг үзэж буй оюутнуудад технологи хийгээд хүний эрхийн хамаарал, цахим технологийн аваргууд ба хүний эрхийн тулгамдаж буй асуудал, цар тахлын сорил ба технологийн хөгжил нь хүний эрхийн асуудлыг хэрхэн хөндөж байгааг дурдан ямар ч тохиолдолд хязгаарлаж халдаж үл болох эрхүүдийг сонирхолтой баримт материалууд дээр тулгуурлан ярилаа.
Техник технологийн эрин зууны хурдацтай хөгжилд хүний үндсэн эрх хэрхэн зөрчигдөж байгаа тэр дундаа амьд явах, шинжлэх ухааны туршилт хийхээс ангид байх, хүний эрхшээлд байхаас хамгаалагдах эрх, хүн болохын хувьд эрхээ хүлээн зөвшөөрүүлэх эрх, чөлөөтэй бодох зэрэг эрхүүдээс гадна мэргэжлийнхээ хүрээнд бусадтай нэгдэх, хамтран харилцах, судалгаа хийх, шинжлэх ухааны мэдээллийг ашиглах түгээх, хүний эрхэд сөргөөр нөлөөлөх магадлалтай туршилт, технологийн хэрэглээ, хүн бүр шинжлэх ухааны үр шимийг хүртэх зэрэг олон улсын хүний эрхийн тухай хуулиар хүлээн зөвшөөрдөг эрхүүдийг сонирхолтой кейс, жишээ, бичлэгээр тайлбарлан оюутнуудын хүний эрхийн боловсролд үнэтэй мэдлэг мэдээллүүдийг өглөө.
БуХС-ийн Хүмүүнлэгийн Ухааны Салбар
Хил хамгаалах ерөнхий газар, ШУТИС хамтын ажиллагааны санамж бичиг байгууллаа
“Дэлхийн дижитал боловсролын чуулга уулзалт - 2026”-д амжилттай оролцлоо
Ажил олгогчдын нэгдсэн уулзалт, өдөрлөг-2026 амжилттай боллоо
ШУТИС-ийн "Хүндэт профессор" цол олголоо
Политехник коллежийн оюутнуудын бүтээл сургуулийн орчинд бодитоор хэрэгжлээ
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
