ШУТИС Хилийн чанад дахь Монголчуудын зөвлөлтэй Хамтран ажиллах санамж бичиг байгуулав

2023 оны 2-р сарын 2-нд ШУТИС-ийн захирал Т. Намнан, ГХНТА-ны дарга Т. Ууганбаяр нар  Хилийн чанад дахь монголчуудын зөвлөл (ХЧМЗ)-ийн УЗ-ийн гишүүн Б.Гэрэлмаа, ХЧМЗ-ийн Нийгмийн бодлогын хорооны зөвлөх Д.Амараа, Ерөнхий нарийн бичгийн дарга Б.Мөнхдэлгэр нарын төлөөлөгчдийг хүлээн авч уулзан, хамтын ажиллагааны санамж бичигт  гарын үсэг зурлаа. Энэхүү санамж бичгийн хүрээнд сургалтын  хамтарсан хөтөлбөр, төсөл боловсруулах, хэрэгжүүлэх, мэргэжил дээшлүүлэх мэргэшүүлэх сургалтыг гадаад болон дотоодод зохион байгуулах, мөн боловсролын үзэсгэлэн яармагийг жилд 1-2 удаа хамтран зохион байгуулах, ШУТИС-ийн тэтгэлэгт хөтөлбөрүүдийн талаарх  мэдээлэл, зарыг ХЧМЗ-ийн цахим сүлжээгээр түгээн мэдээллэдэг болох, хамтын мэдээллийн нэгдсэн платформ байгуулах чиглэлээр хамтран ажиллах юм.