2023 оны 2-р сарын 8-аас 9-ний өдрүүдэд Японы Нагаокагийн Технологийн их сургууль дээр зохион байгуулагдсан инженер, технологийн дээд боловсролыг хөгжүүлэх, тулгамдсан асуудлуудыг хэлэлцэх зорилго бүхий бүс нутгийн их, дээд сургуулиудийн захирлуудын “GIGAKU SDG Network 2023” чуулга уулзалтанд захирал Проф.Т.Намнан ШУТИС-ийг төлөөлөн оролцож, ОУ-ын ЮНЕСКО байгуулагаас гаргасан тогтвортой хөгжлийн зорилтыг хэрэгжүүлэх, инженер, технологийн дээд боловсролыг хөгжүүлэх ажлын хүрээнд ШУТИС-д хэрэгжүүлж байгаа бодлого, үйл ажиллагааны талаар илтгэл тавьж, цаашид энэ чиглэлээр их сургуулийн зүгээс баримтлах бодлого, чиглэл, ялангуяа, их сургууль, үйлдвэрлэл хоорондын хамтын ажиллагааг хөгжүүлэх талаар санал бодлоо илэрхийллээ.
Проф.Т.Намнан энэ үеэр Нагаокагийн технологийн их сургуулийн ерөнхийлөгч Др.Шигэхарү КАМАДО болон профессор багш нартай уулзан тус их сургуулийн сургалт, судалгааны үйл ажиллагаатай танилцан, хоёр их сургуулийн хамтын ажиллагааг цаашид хөгжүүлэх талаар санал солилцож, багш судлаачдыг солилцох, хамтарсан судалгааны ажил хийх, бакалаврын сургалтын хамтарсан хөтөлбөр хэрэгжүүлэхээр хамтын ажиллагааны санамж бичигт гарын үсэг зурлаа.
Мөн чуулга уулзалтын дараагаар Японы зарим нэг компаны үйл ажиллагаатай нь танилцаж, удирдлагуудтай уулзалт хийн ШУТИС-ийн оюутнуудыг мэргэжлийн болон үйлдвэрлэлийн дадлага хийлгэх талаар харилцан тохиролцлоо.
Гадаад харилцаа, нийгмийн түншлэлийн алба
"Хятад-Монголын хамтарсан олон улсын инженерийн тэнхим" байгуулах гэрээнд гарын үсэг зурлаа
Монгол–Японы хамтарсан судалгаа – бизнес түншлэл 2026 болж байна
БНСУ-ын Сүнчонхян их сургуулийн төлөөлөгчид ШУТИС-д айлчилж, хамтарсан хөтөлбөрийн 10 жилийн ойг тэмдэглэлээ
ШУТИС 2026–2027 оны хичээлийн жилд шинээр элсэгчдэд зориулсан нэгдсэн уулзалт, orientation арга хэмжээ зохион байгууллаа
“Эрчим хүчний салбарын залуу инженерүүдийн техникийн ур чадварыг дээшлүүлэх төсөл” амжилттай хэрэгжиж, хаалтын арга хэмжээгээ зохион байгууллаа
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
