ШУТИС-ийн ГХС болон Шандуны ШУТИС-тай хамтарсан хятад хэлний 1+1+2 хөтөлбөр хэрэгжүүлэхээр 2021 оны 11 сард гэрээ байгуулж, гарын үсэг зурж тамгалсан. 2022-2023 оны хичээлийн жилээс энэхүү хөтөлбөр хэрэгжсэн эхэлсэн. Хятад улсын хөл хорионы улмаас намрын улирлын хичээл цахимаар явагдаж, хаврын улирлын хичээл Шандуны ШУТИС-д танхимаар үргэлжлүүлэн орохоор болсон. Гадаад хэлний сургуулийн хятад хэлний ангийн 2-р курсийн 9 оюутан, багш Л.Чойжилмаагийн хамт Шандуны ШУТИС-д хүрэлцэн очсон.
Хамтарсан хөтөлбөрийн нээлтийн үйл ажиллагаа Шандуны ШУТИС-ийн шинэ номын сангийн 207 тоот хурлын танхимд амжилттай боллоо. Нээлтийн ёслолд Олон улсын солилцооны сургуулийн захирал Фан Жизиэн нар тус хөтөлбөрийн оюутнууд болон төлөөлөгч багш Л.Чойжилмаа нарыг хүлээн авч уулзан, тэдэнд баяр хүргэж, шинэ орчинд хурдан дасч, улам их хичээнгүйлэн суралцаж, Хятадын соёл иргэншлийн талаар илүү гүнзгий ойлголттой болно гэдэгт итгэлтэй байгааг дурдав. Монгол талыг төлөөлөн ГХС-ийн Ази судлалын салбарын дэд профессор Л.Чойжилмаа үг хэлж мөн оюутан Цэндсүрэн, Лхагвамаа нар хятад хэлээр мэндчилгээний үг хэлж талархал илэрхийлэв.
Хамтарсан хөтөлбөрийн нээлтийн ажиллагааг хийхийн чацуу 2 сургуулийн хамтын ажиллагааг хэрхэн өргөжүүлэх, Хятад хэлний танхим байгуулах, ном сурах бичиг хандивлах, мэргэжилтэн багш ажиллуулах зэрэг асуудлыг ярилцав. Мөн хамтарсан хөтөлбөрийн хичээлийн төлөвлөгөөг баталж гарын үсэг зурж баталгаажуулав.
Эцэст нь, захирал Фан Жизиэн оюутнуудад дурсгалын зүйл бэлэглэж, хамтын зураг татуулав.
"Хятад-Монголын хамтарсан олон улсын инженерийн тэнхим" байгуулах гэрээнд гарын үсэг зурлаа
Монгол–Японы хамтарсан судалгаа – бизнес түншлэл 2026 болж байна
БНСУ-ын Сүнчонхян их сургуулийн төлөөлөгчид ШУТИС-д айлчилж, хамтарсан хөтөлбөрийн 10 жилийн ойг тэмдэглэлээ
ШУТИС 2026–2027 оны хичээлийн жилд шинээр элсэгчдэд зориулсан нэгдсэн уулзалт, orientation арга хэмжээ зохион байгууллаа
“Эрчим хүчний салбарын залуу инженерүүдийн техникийн ур чадварыг дээшлүүлэх төсөл” амжилттай хэрэгжиж, хаалтын арга хэмжээгээ зохион байгууллаа
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
