МХТС-тай хамтран ажилладаг байгууллагуудын хүний нөөцийг бүрдүүлэхэд дэмжлэг үзүүлэх, хамтын ажиллагааг өргөжүүлэх, оюутнуудыг дадлага, цагийн болон үндсэн ажлын байранд зуучлах зорилгоор “Ажил олгогчдын өдөрлөг 2023” арга хэмжээг 2023 оны 5 дугаар сарын 11-ний өдөр МХТС-д зохион байгууллаа. Уг өдөрлөгт төрийн байгууллага, үүрэн холбооны операторууд, банкны салбар болон хувийн хэвшлийн 34 байгууллага оролцсоноос гадна 10 гаруй байгууллага өөрсдийн нээлттэй ажлын байрны саналыг ирүүллээ.
Өдөрлөгийн үеэр ажил олгогч байгууллагууд бүтээгдэхүүн, үйлчилгээ, үйл ажиллагаагаа сурталчлан таниулснаас гадна оюутнуудад цалинтай, цалингүй дадлагын, цагийн болон үндсэн ажлын байр санал болгож ярилцлага, сонгон шалгаруулалт зохион байгууллаа. Мөн Юнител групп, Huawei ХХК, DDISH ХХК, IT Zone/Могул групп зэрэг байгууллагын төлөөлөл багш оюутнуудад зориулж сонирхолтой илтгэл хэлэлцүүлсэн бол Grape City ХХК, Кал ХХК, Мэдээлэл, шуурхай удирдлагын төв, Дэнцү дата Артист Монгол зэрэг байгууллага үйл ажиллагаагаа танилцууллаа.
Өдөрлөгийн төгсгөлд Монгол шуудан ХК, Жи-Мобайл ХХК, Саммит ХХК, Гэрэгэ ХХК, Эс Эй Би Эй ХХК , зэрэг байгууллага, компаниуд МХТС-тай хамтран ажиллах санамж бичигт гарын үсэг зурлаа.
“Лэйбор Форсе” ХХК-тай хамтын ажиллагааны гэрээ байгууллаа
Хятад хэлний мэргэжилтэн багш Пан Хунчаод хүндэтгэл үзүүллээ
Сэтгэл зүйн үйлчилгээ, туршлага солилцох эвент зохион байгуулагдав
Ажил олгогчдын нэгдсэн уулзалт, өдөрлөг-2025 амжилттай боллоо
ШУТИС, ХШУС-д АНУ-ын Батлан хамгаалах яамны санхүүжилттэй хэрэгжиж байгаа “ONR: N62909-23-1-2035” төслийн багийн гишүүд БНСУ-д томилолтоор ажиллалаа
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
