ШИНЖЛЭХ УХААН, ТЕХНОЛОГИЙН ИХ СУРГУУЛЬ

БНСУ-ын Гандун их сургуулийн захирлыг хүлээн авч уулзлаа.

2023 оны 05-р сарын 23-ны өдөр ГХНТА-ны дарга Т.Ууганбаяр, ахлах мэргэжилтэн Ө.Батбаатар нар БНСУ-ын Гандун их сургуулийн захирал болон гадаад харилцааны албаны төлөөлөгчдийг хүлээн авч уулзлаа. Тус уулзалтаар Гандун их сургуулиас ШУТИС-тай хамтын ажиллагааг эхлүүлэх сонирхолтой байгаа талаар танилцуулж, аж үйлдвэрийн салбарт техникын мэргэжлийн ажилтан бэлтгэх, дадлагажуулах тал дээр хамтарч ажиллах боломжуудын талаар санал солилцов.

Мөн ГХНТА-ы дарга Т.Ууганбаяр хамтын ажиллагаатай Солонгосын их дээд сургуулиудын талаар зочидод танилцуулж, ШУТИС-Коосэн технологийн коллежийн оюутнуудыг мэргэшүүлэх дадлага хийлгэх тал дээр Гандун их сургуультай хамтарч ажиллах сонирхолтой байгаа талаар санал солилцлоо.

Гадаад харилцаа, нийгмийн түншлэлийн алба