2023 оны 06-р сарын 29-ний өдөр ШУТИС-ийн захирал Т.Намнан, ГХНТА-ны дарга Т.Ууганбаяр нар Японы Ой мод үржүүлгийн төвийн (ОМҮТ) зочдыг хүлээн авч уулзаж, цаашид хэрэгжүүлэх хамтын ажиллагааны талаар санал солилцож, хамтын ажиллагааны санамж бичиг байгуулахаар тохиролцлоо.
Уулзалтын үеэр ШУТИС болон ОМҮТ-ийн танилцуулга болон одоо хэрэгжиж байгаа үйл ажиллагаануудынхаа талаар товч мэдээлэл солилцов. Үүнд, ОМҮТ-ийн төлөөлөгчид Монголд анх удаа ирж байгаа бөгөөд Монголын ой мод үржүүлэг болон холбогдох судалгааны ажил, хүрээлэнгийн үйл ажиллагаа болон Эрдэнэт үйлдвэртэй танилцсан байна. ШУТИС-д бэлтгэгдэж төгссөн боловсон хүчнүүд мэргэжлийнхээ дагуу амжилттай ажиллаж байгааг ОМҮТ-ийн төлөөлөгчид онцоллоо. Түүнчлэн мод тарих боловсруулах чиглэлийн ахисан түвшний мэргэжлийн хөтөлбөрүүдийг өргөжүүлж, одоо суралцаж байгаа оюутнуудын мэргэжлийн ур чадварыг нэмэгдүүлж, дадлагажуулах тал дээр хамтарч ажиллахаар боллоо.
Монгол Улсын Ерөнхийлөгч У. Хүрэлсүхийн санаачилсан “Тэрбум мод” үндэсний хөдөлгөөнийг ШУТИС олон талаар дэмжин ажиллаж байгаа бөгөөд Японы мод үржүүлгийн технологийг ашиглан Монголын цаг уурын нөхцөлд дасан зохицох технологийг судалж, хэрэгжүүлэх сонирхолтой байгаагаа хоёр тал илэрхийлэв.
Оюутны “Эрдэм шинжилгээний шилдэг өгүүлэл” шалгаруулах хурал амжилттай болж өнгөрлөө
Чихрийн шижинтэй тэмцэх өдөрлөг зохион байгууллаа
“Учёные будушего” олон улсын төслийн хүрээнд ШУТИС-д цуврал лекц зохион байгууллаа.
Англи хэлний уламжлалт 31 дэх олимпиад амжилттай зохион байгуулагдлаа
ШУТИС-ийн "Хүндэт профессор" цол олголоо
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
