ШУТИС-ийн эрдэмтэн профессоруудын дундаас төрсөн алдар цолтон, гавьяат зүтгэлтэн, эрдэмтэн мэргэдийн төлөөлөл болон Монгол Улсын төрийн дээд цол хүртэгсэд, Төрийн шагналт-эрдэмтэд, ШУА-ийн жинхэнэ гишүүн-Академичид болон Шинжлэх ухааны докторын зэрэг хамгаалсан багш-эрдэмтдийн ажил амьдралын товч намтар, тус сургуульд ажиллаж ирсэн байдал, эрдэм шинжилгээ, судалгааны ажлын чиглэл, бүтээлийн танилцуулга, шинжлэх ухаан, үйлдвэрлэлд оруулсан хувь нэмэр, эрдмийн бүтээл туурвилын товчоог өгүүлэн тэдний бүтээл туурвил, хөдөлмөр бүтээлийг нь сургуулийнхаа түүхэнд хөрөг, намтартай нь үлдээх номыг бүтээж 2023 оны 10 дугаар сарын 18-ны өдөр номын нээлтийг хийлээ.
Номын баярт тус номд бичигдсэн Монгол Улсын алдар цолтон, ШУТИС-ийн хүндэт доктор цол хүртэгсэд, Шинжлэх ухааны докторын зэрэг хамгаалсан 112 багш, эрдэмтдийн төлөөлөл уригдан оролцлоо.
Номын баярыг ШУТИС-ийн захирал, доктор, профессор Т.Намнан нээж, номын баярт оролцсон эрдэмтэн, багш, судлаачдад ШУТИС-ийн сургалт, судалгааны ажлын үр дүн, цаашдын зорилтын талаар танилцуулж, нийт оролцогчдод баярын мэндчилгээ дэвшүүллээ.
“Монгол улсын төрийн дээд алдар цол хүртсэн, шинжлэх ухааны доктор хамгаалсан ШУТИС-ийн багш-эрдэмтэд” номын тухай Зохиогч, Монгол улсын хөдөлмөрийн баатар, Ардын багш, Академич Ч.Авдай, номын Редактор доктор Г.Гүрбазар нар танилцуулга хийж, Ахмадын зөвлөлийн дарга Д.Чулуун мэндчилгээ дэвшүүлэв.
"Хятад-Монголын хамтарсан олон улсын инженерийн тэнхим" байгуулах гэрээнд гарын үсэг зурлаа
Монгол–Японы хамтарсан судалгаа – бизнес түншлэл 2026 болж байна
БНСУ-ын Сүнчонхян их сургуулийн төлөөлөгчид ШУТИС-д айлчилж, хамтарсан хөтөлбөрийн 10 жилийн ойг тэмдэглэлээ
ШУТИС 2026–2027 оны хичээлийн жилд шинээр элсэгчдэд зориулсан нэгдсэн уулзалт, orientation арга хэмжээ зохион байгууллаа
“Эрчим хүчний салбарын залуу инженерүүдийн техникийн ур чадварыг дээшлүүлэх төсөл” амжилттай хэрэгжиж, хаалтын арга хэмжээгээ зохион байгууллаа
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
