Материалын Технологийн Сургуулийн Материал Судлалын Салбарын эрхлэгч, доктор (PhD) Г.Батдэмбэрэл, Холбоо Мэдээллийн Технологийн Сургуулийн Тоон дохионы боловсруулалт ба микропроцессорын системийн профессорын багийн ахлах багш, Батчулуун нар 2012 оны 6 сарын 21-ны өдөр ОХУ-ын Москва хот дахь Н.Э.Бауманы нэрэмжит Техникийн Их Сургуульд зочлов.
Уулзалтын бүрэлдэхүүнд ШУТИС-ийн талаас багш Г.Батдэмбэрэл, Ч.Батчулуун, ОХУ дахь ШУТИС-ийн төлөөлөгч, профессор Л.Гүрбазар; Н.Э.Бауманы нэрэмжит Техникийн Их Сургуулийн талаас Сургалт-арга зүйн асуудал эрхэлсэн проректор Сергей Валерьевич Коршунов, Гадаад хамтын ажиллагааны дарга Михайл Кузнецов, Шинжлэх ухаан-арга зүйн “Инженерийн боловсрол” төвийн захирал Е.В.Винокурова, доцент, ахлах арга зүйч В.Б.Тимофеев нар оролцов. Талууд Материал судлалын шинжлэх ухааны чиглэлээр магистр ба докторантурт монгол оюутнуудыг сургах, залуу багш нарыг мэргэжил дээшлүүлэх, хамтран эрдэм шинжилгээний ажил хийх талаар санал солилцлоо. Мөн манай багш нар тус сургуулийн зайн тандалтын лаборатори, “Фотоника” төвийн багаж төхөөрөмжтэй танилцсан байна.Уулзалтын сүүлд тус сургуулийн сургалт-арга зүйн асуудал эрхэлсэн проректор Сергей Валерьевич Коршунов ШУТИС төгссөн, орос хэлтэй 2 бакалавр оюутныг өөрийн сургуулийн зардлаар магистрантурт суралцуулах боломжтойг гэж илэрхийлсэн байна.
Материалын Технологийн Сургууль
Үндэсний хүнс үйлдвэрлэлийн “Мах Импэкс” ХК, “Милл Хаус” ХХК-тай хамтран ажиллах гэрээ байгууллаа
Дижитал соёлыг түгээн дэлгэрүүлэх шинэ боломж бүрдлээ
ШУТИС-ийн Хэрэглээний шинжлэх ухааны сургууль, “Эрдэнэс ҮТП” ХХК, БНХАУ-ын Уул уурхай, технологийн их сургуультай “Нүүрсний боловсруулалтын технологи” 2+2 хамтарсан бакалаврын хөтөлбөр хэрэгжүүлнэ
БНХАУ-ын Харилцаа холбооны их сургуультай хамтран ажиллах санамж бичиг байгууллаа.
БНХАУ-ын Цинхуа их сургуулийн дэргэдэх Tus-Holdings Co.,Ltd болон TusPark-д айлчиллаа.
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
