Жил бүрийн 3-р сарын 14-ний өдөр эрчим хүчний инженерүүд “π
тоо”-ны баярын өдрийг тэмдэглэдэг билээ. Энэ онцгой баярыг ЭХС-ийн Цахилгаан инженерийн салбар жил бүр сургуулийн багш, оюутнууд, төгсөгчид, Эрчим хүчний салбарын инженерүүдтэй хамтран жил бүр уламжлал болгон “π
тоо”-ны өдөрлөг болгон зохион байгуулж ирсэн. Сүүлийн жилүүдэд энэхүү өдөрлөгөөр ЭХС-ийн ахмад багш доктор, профессор, МУ-ын гавьяат багш Хүрэлийн Сүхбаатарын нэрэмжит онолын нээлттэй семинар хийж тодорхой сэдвүүдээр эрдэм шинжилгээний илтгэлүүдийг хэлэлцүүлж ирсэн.
Энэ жилийн онолын семинарыг “Цахилгаан тээвэр & π
- 2024” сэдвээр ЭХС-ийн ЦИСалбар болон “Цахилгаан хангамж мэргэжлийн төгсгөгчдийн холбоо” хамтран амжилттай зохион байгууллаа. Уг семинарын нээлтэд ЭХС-ийн захирал доктор, профессор Б. Бат-Эрдэнэ хүрэлцэн ирсэн эрдэмтэд, оюутнуудад хандаж хэлсэн үгэндээ “...хязгааргүй үргэлжлэх, төгсгөлгүй байгалийн онцгой тогтмолуудын нэг π
тоо нь цахилгаан техникийн онолын чухал хэмжигдэхүүнүүдийг тодорхойлогч байдаг шиг эрчим хүчний мэргэжлээр суралцаж буй оюутнууд, судалгаа хийж буй эрдэмтэн, судлаач Та бүгдийн хүрэх эрдмийн оргил, сурах эрмэлзэл хязгааргүй үргэлжлэх болтугай” гэж онцлон ерөөж өдөрлөгийн үйл ажиллагаанд амжилт хүслээ.
ШУТИС-ийн урлаг зааланд явагдсан энэ жилийн нээлттэй семинарт МУ-ын Зөвлөх инженер, Үндэсний аж үйлдвэрийн зөвлөлийн гүйцэтгэх захирал Д. Жаргалсайхан “Цахилгаан тээврийн технологийн хөгжлийн түүх, технологи, инновацийн өнөөгийн болон хэтийн төлөв”, ЭХС-ийн ЦИС-ын доктор, профессор, МУ-ын зөвлөх инженер Б. Сэргэлэн “УБ хотын нийтийн тээвэрт цахилгаан тээврийн хэрэгсэл нэвтрүүлэх боломж, судалгаа”, ЭХС-ийн ЦИС-ын ахлах багш, докторант А. Эрдэнэ “Пи тоо ба цахилгаан”, ЭХС-ийн оюутан Б. Хувьтөгөлдөр, Б. Чинзориг нар “Нарны цахилгаан станцын судалгаа”, ШУТИС-ийн 2024 оны шилдэг төгсөгч цахилгааны инженер Т.Төрбат “Hummer EV цахилгаан машин” зэрэг илтгэлүүдийг хэлэлцүүллээ. Ирэх жилийн нээлттэй семинарын талаар оролцогсод санал бодлоо чөлөөтэй солилцож илтгэл хэлэлцүүлсэн эрдэмтэд, судлаачид, оюутнуудад “Цахилгаан хангамж мэргэжлийн төгсгөгчдийн холбоо”-ноос дурсгалын зүйлс гардуулан өгч семинарын үйл ажиллагааг өндөрлүүллээ.
Төрийн өмчийн их сургуулиуд судалгаа, инновац, хамтын ажиллагааны чиглэлээр гэрээ байгууллаа
ШУТИС, ХШУС-ийн “Статистик” хөтөлбөрийн оюутнууд Японы Кумамото Их сургуулийн Шинжлэх Ухаан Технологийн сургуультай танилцах мэргэжлийн сургалт, соёлын хөтөлбөрт амжилттай хамрагдлаа
ШУТИС-ийн Геологи, уул уурхайн сургуулийг П.Очирбат агсны нэрэмжит болголоо
“Эрдмийн баяр” төгсөлтийн ёслолын ажиллагаа боллоо
ШУТИС-ийн Механик инженер, тээврийн сургуулийн Логистик менежмент, Механик, Мехатроник хөтөлбөрийн оюутнууд БНХАУ-ын Ляонинг мужийн Төмөр замын дээд сургуульд богино хугацааны дадлага хийлээ
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
