2023-2024 оны хичээлийн жилийн хаврын улиралд ШУТИС Барилга Архитектурын Сургуулийн 3,4-р курсийн оюутнуудад Барилга байгууламжийн буурь ба суурь хичээлийг заасан бөгөөд оюутнуудын лекц семинарын хичээлээр олж авсан мэдлэгийг бататгах үүднээс Лхагва гаригийн 4-р пар дээр ордог бие даалтын цагийн хичээлийг Барилгын талбай дээр орлоо. 2024 оны 04 сарын 17 ны өдөр “Vision Business Tower” барилгын суурийн ажлын явцтай танилцав. Уг барилга нь 36м X 30м хэмжээтэй цутгамал төмөрбетон каркасан барилга бөгөөд нил хавтан суурьтай, 25 давхар оффисын барилга, эргийн бэхэлгээ түшиг ханатай. Автомашины гараашийг 1р давхраасаа лифтээр зоорийн давхар руу шилжихээр төлөвлөсөн. Уг барилгын суурийн ажилтай танилцсанаар нил хавтан суурийн угсралтын ажлын явц, ус зайлуулах системийн угсралт, төмөрбетон болон металл багана, түшиг ханын төлөвлөлт зэрэг асуудлуудыг барилгын талбай дээр бодитоор харж суралцсанаар оюутнууд бодит мэдлэг чадвар эзэмших боломжийг бүрдүүлж өглөө.
2024 оны 05 сарын 15-ны өдөр 2 дах удаагаа 53 давхар оффисын барилгын шон суурийн өрөмдлөгийн ажлын явцтай танилцлаа. Уг барилгын суурийн ажилтай танилцсанаар өрөмдмөл цутгамал шон суурийн угсралтын ажлын явц, тэдгээрийн онцлог хийцлэлийн талаар дэлгэрэнгүй судалж мэдлээ. Барилгын талбай дээрх үйл явцыг дэлгэрэнгүй тайлбарлаж өгсөн инженер Санчир, Бямбахорол, Идэрбат нартаа талархлаа илэрхийлье.
Мэдээг бэлтгэсэн: ШУТИС. Барилга Архитектурын Сургуулийн Профессор Э.Нинжгарав
ШУТИС-ийн харьяа Политехник Коллежийн Техникийн боловсролын анхны төгсөлт боллоо
Нийслэлийн 29 дүгээр сургуулийн тусгай хэрэгцээтэй суралцагчдад Монгол хэл, бичгийн шалгалтад бэлтгэх зөвлөгөө өглөө
ШУТИС-ийн инженер Дэлхийн цомын тэмцээнээс хүрэл медаль хүртлээ
ШУТИС-ийн харьяа Хөнгөн үйлдвэрийн судалгаа, хөгжлийн хүрээлэн “Арьс ширэн түүхий эд бэлтгэл-2026” сургалт, хэлэлцүүлгийг хамтран зохион байгуулав
ШУТИС үндэсний хүнс үйлдвэрлэлийн компаниудтай хамтын ажиллагааны санамж бичиг байгууллаа
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
