Монгол Улсын Ерөнхийлөгчийн ивээл дор зохион байгуулж буй Улсын нэр томьёоны комисс үүсэн байгуулагдсаны 100 жилийн ойд зориулсан “НЭР ТОМЬЁО БА ШИНЖЛЭХ УХААН ТЕХНОЛОГИЙН ХӨГЖИЛ 2024” олон улсын эрдэм шинжилгээний хурлыг ШУА-ийн Хэл зохиолын хүрээлэнгийн хамт олон Хэлний бодлогын үндэсний зөвлөл болон Хууль Зүй, Дотоод Хэргийн Яам, Хууль зүйн үндэсний хүрээлэн, ШУТИС-ийн Гадаад хэлний сургууль, Гандантэгчэнлин хийд, МУБИС, Архивын Ерөнхий Газар, Үндэсний номын сантай хамтран 2024 оны 9 дүгээр сарын 13-ны өдөр төрийн ордонд зохион байгууллаа.
Тус эрдэм шинжилгээний хуралд Хэлний бодлогын үндэсний зөвлөл, ШУА-ийн Хэл зохиолын хүрээлэн, Дэлхийн оюуны өмчийн байгууллага, Олон улсын нэр томьёоны мэдээллийн төв, Австрийн ШУА, ШУТИС, МУИС, МУБИС, АШУҮИС, СУИС, ОУУБИС, ШУА-ын Археологийн хүрээлэн, Монголын Бурханы Шашны Их сургуулийн эрдэмтэн судлаачидаас гадна Австри, Швейцар, Япон, Солонгос, ОХУ, Колумб, Финланд, БНХАУ зэрэг улсын 57 илтгэгч нэр томьёоны шинжлэх ухааны хөгжлийн чиг хандлага, салбарын нэр томьёоны хөгжлийн талаар илтгэл хэлэлцүүллээ.
Эрдэм шинжилгээ, судалгааны байгууллагын судлаачид монгол улсын нэр томьёоны хөгжил, өнөөгийн байдал, цаашдын хөгжлийн чиг хандлага, шинжлэх ухаан технологийн хөгжилд тулгамдаж буй нэр томьёотой холбоотой асуудал, тэдгээрийг шийдвэрлэх арга зам, нэр томьёоны гүйцэтгэх үүрэг, ач холбогдлыг олон нийтэд сурталчлан таниулах, эрдэмтэн судлаачдын хамтын ажиллагааг өргөжүүлэх ач холбогдолтой хурал боллоо.
Тус хуралд ГХС-ийн профессор багш нар "Системийн шинжилгээний аргаар нэр томьёоны толь боловсруулах арга зүй", “Монгол хэлний дижитал интерактив сурах бичиг дэх нэр томьёоны хэрэглээ”, “Стандарт, норм дахь барилгын нэр томьёоны хэрэглээ” зэрэг сэдвээр илтгэл хэлэлцүүллээ.
Монголын 2025 оны оюутны УАШТ-д нийт 26 их дээд сургууль оролцсоноос доктор, профессор Т.Намнан ректортой ШУТИС-ийн баг 50 оноогоор хоёрдугаар байранд шалгарлаа
Бүгд Найрамдах Энэтхэг Улсын Засгийн газрын Техник, эдийн засгийн хамтын ажиллагааны хөтөлбөр (ITEC)-өөр “Газрын тос боловсруулах үйлдвэр”-ийн чиглэлээр сургалтад хамрагдав
Монгол Улсын Ерөнхийлөгчийн санаачилсан тэрбум мод үндэсний хөдөлгөөнийг дэмжин ШУТИС-ийн харьяа эрдэм шинжилгээний хүрээлэнгүүд нэгдэж мод тарив
“Технологи ба хүний эрх” сэдвийн хүрээнд хамтран ажиллах санамж бичиг байгууллаа
Гар барилдааны төрөлд оролцож хүрэл медаль хүртлээ
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
