Монгол улсын төрийн болон хувийн хэвшлийн их, дээд сургуулиудын бакалавр оюутнуудын дунд тэдний эрдэм шинжилгээний бүтээлийг сурталчлах, судалгааны ажлыг урамшуулан дэмжих, тэдний шинэ санаа, бүтээлч сэтгэлгээг үйлдвэрлэлд нэвтрүүлэх зорилготойгоор "Танан импекс" компанийн нэрэмжит "Оюунлаг ирээдүй-2024" оюутны эрдэм шинжилгээний бага хурлыг Монгол улсын Өрөмдлөгийн Холбоо болон ШУТИС-ийн ГУУС хамтран XXII удаагаа амжилттай зохион байгууллаа.
Энэхүү хуралд ШУТИС-ийн ГУУС, ГХС, ҮТС, МХТС , МУИС-ийн ШУС, ОТИС-ийн БГХБ, ҮБХИС-ийн АБДС зэрэг их, дээд сургуулийн бакалавр оюутнууд геологи, уламжлалт болон уламжлалт бус газрын тос, гидрогеологи, уул уурхай, маркетинг менежмент, экологи, нөхөн сэргээлт, хэл судлал, программ хангамжийн зэрэг бүхий л чиглэлийг хамарсан нийт 21 судалгааны өгүүллээр оролцов.
Илтгэлүүдээс 1-р байранд ШУТИС-ийн ГУУС-ийн оюутан Д.Дуламсүрэн, Б.Оюу-Эрдэнэ нарын “Хаягдал дугуй ашиглан газрын тосны бүтээгдэхүүн гарган авах боломжийн судалгаа” (Удирдагч: доктор, дэд профессор Б.Наранцэцэг, доктор, дэд профессор М.Оюунтөгс) илтгэл, 2-р байранд ШУТИС-ийн ГУУС-ийн оюутан О.Ижилмөрөнгийн “Өмнөд Монгол Ханбогд, Цахиуртайн овоо орчмын остракодын судалгаа” (Удирдагч: доктор Ж.Ундаръяа) илтгэл, 3-р байранд ШУТИС-ийн ГУУС-ийн оюутан Э.Отгонжаргалын “Цагаан шороот хайлуур жоншны ордыг далд аргаар ашиглах үеийн геотехникийн урьдчилсан судалгаа” (Удирдагч: доктор, дэд профессор Ц.Ариунжаргал) илтгэл тус тус шалгарлаа.
Эрдэм шинжилгээний хуралд оролцсон нийт судлаач оюутнууддаа, удирдсан багш нартаа, эрхэм шүүгч нар, хурлыг хамтран зохион байгуулсан Монгол улсын өрөмдлөгийн холбоо, ѳрѳмдлѳгийн "Танан импекс", “Панголин дриллинг” компанийн хамт олонд талархал илэрхийлье.
ГУУС-ийн Газрын тос, өрөмдлөгийн салбар
2024.11.21
ШУТИС-ийн Удирдах зөвлөл 2026 оны төсвийг баталж, “Чанар, ёсзүйн жил”-ийг зарлалаа
“Эндаументын сан”-г олон улсын жишигт нийцүүлэн байгуулж анхны хөрөнгө оруулалтаа олон улсаас татлаа
ШУТИС, ХШУС-ийн төлөөлөл ХБНГУ-ын Фрайбергийн их сургуулийн сургалт, эрдэм шинжилгээ, төсөл хөтөлбөрүүд, хагас үйлдвэрлэлийн төв, лабораториудын үйл ажиллагаатай танилцлаа
“Философи, хүний эрхийн уулзварт: хиймэл оюун ухаан ба ёс зүй” философийн улсын XVII олимпиадад ШУТИС-ийн оюутнууд дэд байрыг эзэллээ
Архивчдын өдрөөр ШУТИС-ийн ажилтнууд салбарын шагналаар шагнагдлаа
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
