ШИНЖЛЭХ УХААН, ТЕХНОЛОГИЙН ИХ СУРГУУЛЬ

“DevFest MUST 2024” арга хэмжээг зохион байгууллаа

2024 оны 11 сарын 30-ны өдөр ШУТИС – ийн “GDG on Campus MUST” клуб болон ОХСҮА –тай хамтран “DevFest MUST-2024” арга хэмжээг амжилттай зохион байгууллаа. Тус өдөр технологийн салбарын мэргэжилтнүүд илтгэл, хэлэлцүүлэг өрнүүлж, их дээд сургуулийн оюутнууд, ахлах ангийн сурагчид болон технологи сонирхсон залуус өргөнөөр хамрагдсан.

Тус арга хэмжээнд зочин илтгэгч нар цахим болон танхимаар оролцлоо.

Irvine дахь “Google” – н Software Engineer Ганбатын Ганзориг АНУ – с цахимаар “My journey with Google”
Google Developer Expert, “Deep Tech LLC” – н үүсгэн байгуулагч, “GDG UB”, “Women Techmakers” – н lead Мөнхбатын Хонгорзул хүрэлцэн ирж “AI & Machine Learning”
“Nest Education IT School” – н багш, “Lit Academy” – н үүсгэн байгуулагч, гүйцэтгэх захирал Батзоригийн Сод – Од “Технологинй хөгжил ба тасралтгүй суралцах нь”
Mezorn LLC – н ахлах Software Developer Ганбаатарын Өсөхбаяр “Хэрхэн чадварлаг мобайл аппликейшн хөгжүүлэгч болох вэ?”
Binary Systems – н хамтран үүсгэн байгуулагч, гүйцэтгэх захирал Ганхуягийн Лхагвасүрэн “Start – Up компани байгуулсан туршлага” сэдвээр илтгэл танилцуулж, өөрсдийн туршлагаасаа хуваалцсан.

DevFest гэж юу вэ?

DevFest (Developer Festival) нь дэлхий даяарх Google Developer Groups (GDG)-ээс зохион байгуулдаг, хөгжүүлэгчдэд зориулсан хамгийн том технологийн арга хэмжээний нэг бөгөөд тухайн улсын, тухайн бүс нутгийн хөгжүүлэгчдийн нийгэмлэгийг нэгтгэж, сүүлийн үеийн технологи, шинэлэг санааг хуваалцах зорилготой арга хэмжээ юм.

DevFest-ийн үеэр:
- Google технологийн экосистем (Android, Firebase, Cloud, Flutter, AI гэх мэт)-ийг танилцуулахаас гадна Google-д ажилладаг, GDG-н чадварлаг хөгжүүлэгчид өөрсдийн ур чадвар, туршлагыг хуваалцах
- Workshop зохион байгуулах
- Тэмцээн уралдаан зохион байгуулах
- Networking-д оролцох боломжтой болдог.

GDG on Campus гэж юу вэ?

GDG on Campus нь Google-ийн дэмжлэгтэйгээр дэлхийн их, дээд сургуулиудад үйл ажиллагаагаа явуулдаг хөгжүүлэгчдийн оюутны клуб юм. Энэхүү клуб нь технологийн мэдлэгээ хөгжүүлэх хүсэлтэй оюутнуудыг нэгтгэж, бодит амьдралын асуудлыг шийдэхэд туслах зорилготой клуб. Монгол улсад Google – с албан ёсны үйл ажиллагаа явуулах эрхтэй 2 клуб байдаг бөгөөд эдгээр клуб нь ШУТИС – ийн “GDG on Campus MUST”, МУИС – ийн “GDSC NUM” клубүүд юм.

GDG on Campus – ийн онцлог:

Суралцах: Google-ийн технологиуд дээр тулгуурлан оюутнуудад сургалт, workshop зохион байгуулна.
Хэрэгжүүлэх: Шинэ санаа, мэдлэгээ ашиглан төсөл, программ хангамж бүтээнэ.
Хуваалцах: Бусадтай хамтран ажиллаж, багийн ажиллагаа, networking хийх боломжтой.

GDG on Campus -ийн үйл ажиллагаа нь зөвхөн оюутнуудын мэргэжлийн ур чадварыг сайжруулахаас гадна нийгэмд эерэг нөлөө үзүүлэх төсөл, санаачилгыг дэмжихэд чиглэдэг.