ШИНЖЛЭХ УХААН, ТЕХНОЛОГИЙН ИХ СУРГУУЛЬ

"MUST-CTF 2024" Улсын II Мэдээллийн Аюулгүй Байдлын олимпиад зохион байгуулагдаж өндөрлөлөө

Мэдээлэл Холбоо Технологийн Сургуулийн Мэдээллийн Сүлжээ Аюулгүй Байдлын салбар, Computer & Communication Security клуб хамтран "MUST-CTF 2024" Улсын II Мэдээллийн Аюулгүй Байдлын олимпиад 2024 оны 12-р сарын 22-нд амжилттай зохион байгуулагдаж өндөрлөлөө.

Уг олимпиад нь мэдээллийн аюулгүй байдлаар сонирхон суралцдаг Монгол Улсын их дээд сургуулийн бакалаврын түвшний оюутнуудын мэдлэг, ур чадварыг сорих, бодит туршлага хуримтлуулах, багийн ажиллагааг хөгжүүлэх зорилготой юм.

Олимпиадын I шат 2024 оны 12-р сарын 14-нд онлайнаар зохиогдсон ба ШУТИС, МУИС, ҮБХИС, ДХИС, Идэр их сургууль, Хүрээ дээд сургуулиудын оюутнуудаас бүрдсэн 70 баг, 200 гаруй оролцогчтойгоор амжилттай оролцсон.

Финалын шат нь 2024 оны 12-р сарын 22-нд ШУТИС-ийн Эрдэм Шинжилгээ, Инновацын төв VIII байранд ШУТИС, МУИС, Идэр их сургуулийн шилдэг 10 багийн бүрэлдэхүүнтэй зохион байгуулагдлаа.

Тэргүүн байр: ШУТИС-ийн "Tsuivan Enjo|yers" баг /3933 оноогоор/

Оролцогч 1:А.Эрхэмбаяр

Оролцогч 2: М.Дөлгөөнбуян

Хоёрдугаар байр: ШУТИС-ийн "s1mple" баг /3925 оноогоор/

Оролцогч 1: Э.Ганбаяр

Оролцогч 2: Э.Лхагвасүрэн

Оролцогч 3: В.Батзаяа

Гутгаар байр: ШУТИС-ийн "byte me harder" баг /3925 оноогоор/

Оролцогч 1: Д.Мөнхбадрал

Оролцогч 2: П.Цэрэнпунцаг

Оролцогч 3: Б.Билгүүндалай тус тус тэргүүллээ.

Тус үйл ажиллагааг дэмжин оролцсон багш, оюутан, оролцогч багууддаа болон ивээн тэтгэгч Data Center, Young Brain Institute-д талархал илэрхийлье. Мөн олимпиадад амжилттай оролцсон бүх багууддаа цаашдын ажил, суралцах үйлсэд нь өндөр амжилт хүсье.