ШИНЖЛЭХ УХААН, ТЕХНОЛОГИЙН ИХ СУРГУУЛЬ

А.Дамдинсүрэнгийн нэрэмжит "Геодези 2025" улсын олимпиадыг 8 дахь жилдээ амжилттай зохион байгууллаа

"ГЕОДЕЗИ 2025" улсын олимпиадад “Геодези” хөтөлбөрөөр суралцдаг, Геодезийн шинжлэх ухааныг судалдаг ШУТИС, ХААИС, Үндэсний техникийн их сургууль, Их засаг их сургууль, Төмөр замын дээд сургууль, Техник технологийн дээд сургууль, Коосэн технологийн коллеж зэрэг их, дээд сургуулийн 35 багийн 210 оюутан оролцлоо.

Олимпиадыг

Шинжлэх ухаан технологийн их сургуулийн Геологи, уул уурхайн сургууль (ШУТИС-ийн ГУУС)
Газар зохион байгуулалт, геодези, зураг зүйн ерөнхий газар (ГЗБГЗЗЕГ)
Монголын геодези, фотограмметр, зураг зүйн холбоо (МГФЗЗХ)
“Геодези”, “Сансрын геодези” хөтөлбөрөөр төгссөн 2002 оны төгсөгчид хамтран зохион байгууллаа.

1-р зураг. Дурсгалын зураг

2-р зураг. Төгсөгчид, шүүгчдийн бүрэлдэхүүнд талархал илрэхийлэв.

Олимпиадыг агуулгын хүрээнд Геодезийн шинжлэх ухааны мэдлэг, техник ур чадварын зэргээс хамааруулан 2 түвшинтэй зохион байгуулж I түвшинд 27 баг, II түвшинд 8 баг оролцож авхаалж самбаа, мэдлэг, ур чадвараа сорив.

3-р зураг. Шүүгчдийн бүрэлдэхүүн

Доктор, профессор А.Дамдинсүрэнгийн нэрэмжит “ГЕОДЕЗИ 2025” олимпиадын “I түвшин”-ний ангилалд 27 баг өрсөлдөж:

I байр. ШУТИС, “SIX SOLDRESS” баг, Удирдагч багш Ө.Алтансүх

II байр. ШУТИС, “EYES OF MINE” баг, Удирдагч багш Ж.Билгүүн

III байр. ТТДС “ОГТОРГУЙН ХЭМЖИГЧИД” баг, Удирдагч багш Я.Алтангэрэл

4-р зураг. Шагнал гардуулалт

“II түвшин”-ний ангилалд 8 баг өрсөлдөж дүнгээ гаргалаа.

I байр. ШУТИС, “SYNERGY” баг, Удирдагч багш Д.Дөлгөөн

II байр. ШУТИС, “DAIZO” баг, Удирдагч багш Д.Дөлгөөн

III байр. ҮТИС “ЗУРАГЖУУЛАГЧИД” баг, Удирдагч багш Ж.Алтанцэцэг

5-р зураг. Шагнал гардуулалт

Геодезийн олимпиадын даалгаварт:

Өгөгдсөн талбайд хэмжилт хийх,
Суурин боловсруулалт хийх,
Даалгаврын үр дүнг илтгэх,
Бодлого болон асуултад хариулах гэсэн цогц даалгаврыг 6 хүний бүрэлдэхүүнтэй багаар гүйцэтгэдэг нь оюутны мэдлэг, ур чадварыг сорьж чаддаг онцлогтой.