ШУТИС-ийн ГУУС-ийн жил бүр уламжлал болон зохион байгуулагддаг Аж үйлдвэрийн гавьяат ажилтан, геологич Д.Тогтохын нэрэмжит “Геологийн хээрийн улсын Х олимпиад” 2025 оны 04 сарын 26-нд Горхи–Тэрэлжийн байгалийн цогцолбор газарт амжилттай зохион байгуулагдлаа. Тус олимпиадад ШУТИС, МУИС-ийн оюутны 9 баг оролцлоо.
Олимпиадыг Хан Өрнөд майнинг, Дарханы геологийн Монгол Алт, Гурван талст, Велсмон компаниуд болон геологич, доктор Б.Хашгэрэл, уг олимпиадыг анхлан санаачлагч, тус сургуулийн оюутны Гео-Эрдэм клубийн ахлагчаар ажиллаж байсан ЭТТ компаний геологич Б.Билгүүн, Х.Хишигбаатар, Ц.Эрдэнэсайхан, Г.Төрбат, Аж үйлдвэрийн гавьяат ажилтан, геологич Д.Тогтох гуайн охин, удам дамжсан геологич, доктор Т.Хасмарал нар ивээн тэтгэсэн.
Шүүгчдийн бүрэлдэхүүнд Велсмон ХХК-ний захирал Б.Мөнхбат, Шинэ дэвших гео ХХК-ний захирал Л.Энхтүвшин, геологич М.Болдбаатар нар ажиллан олимпиадад оролцогчдын даалгавар гүйцэтгэлийг шударгаар шүүн хэлэлцэж дараах байрыг эзлүүлэв. Үүнд:
1-р байр Limonite баг 2-р байр Турбидит баг
3-р байр Rhodium баг Тусгай байр Smitsonite баг
Ирээдүйд эх орныхоо эрдэнийн үүцийг задлах эрдэм мэдлэгтэй чадварлаг инженерүүд болох эхлэл сууриа бахархам сайхан амжилтаар эхлүүлж чадсан та бүхэнд улам их амжилт гаргахыг хүсэн ерөөе.
Ивээн тэтгэгчид болон эрхэм мэргэн шүүгч нартаа бидний сургалтын үйл ажиллагааг дэмжин ажилласанд олимпиадыг зохион байгуулагчид болон нийт оюутан суралцагчдынхаа өмнөөс чин сэтгэлийн гүн талархал илэрхийлье.
Тус олимпиадыг ГГС-ийн дэд профессор С.Хишигсүрэн, Ахлах багш Б. Гантулга, Д.Хишигсүрэн нар хамтран зохион байгуулав.
Хамтран зохион байгуулагчид болон оролцсон бүх оюутнууддаа талархал илэрхийлж, амжилт хүсье.
“Хиймэл оюунаар дээд боловсролын экосистемийг дэмжих нь” сэдэвт Зүүн Азийн дээд түвшний бодлогын хэлэлцээр зохион байгуулагдлаа
ШУТИС-ийн баг “Baku Gym for Challenge–2025” олон улсын тэмцээнээс Алтан медаль хүртлээ
ШУТИС-ийн төгсөгч Б.Наранбат 2024 оны Соёлын биет бус өвийн шилдэг өвлөн уламжлагчаар шалгарлаа
Өвөрмонголын их сургуулийн Үйлс бүтээлийн сургуулийн төлөөлөгчдийг хүлээн авч уулзав.
ШУТИС Узбекстан Улсын Текстил ба хувцас үйлдвэрлэлийн Ассоциацитай харилцан ойлголцлын санамж бичиг байгууллаа
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
