ШИНЖЛЭХ УХААН, ТЕХНОЛОГИЙН ИХ СУРГУУЛЬ

“Student Samushil Career HUB” төв нээгдлээ

Хөдөлмөрийн зах зээлд өрсөлдөх чадвартай, үнэ цэнтэй оюутан залууст чиглэсэн “Үнэ цэнтэй оюутан” бэлтгэж гаргах төслийн хүрээнд “-Student Samushil- Career HUB” төв албан ёсоор нээлтээ хийлээ.

Тус төвийн үйл ажиллагаа нь их, дээд сургуулийн оюутан, залуусыг төгсөлтийн өмнөх хугацаанд хөдөлмөрийн зах зээлд бэлтгэх, карьерын чиг баримжаа олгох, ажил эрхлэлтийн боломжуудыг өргөжүүлэхэд чиглэж байна. Үүнд:

Хувь хүний хөгжил, карьерын өсөлтийн чиглэлээр мэргэжлийн зөвлөхүүдээс сургалт, зөвлөгөө авах;
Оюутан залуусын өөрсдийн хүсэл, цагийн боломжид нийцүүлэн өдрийн болон цагийн ажилд холбон зуучлуулах;
Олон улсын стандарт, үйлчилгээний чанарыг нэвтрүүлсэн, Гэр бүл, Хөдөлмөр, Нийгмийн хамгааллын яам болон ХХҮЕГ-ын эрх бүхий байгууллагаар хүлээн зөвшөөрөгдсөн “оюутанд зориулсан төрөлжсөн хөдөлмөр эрхлэлтийн нийтлэг үйлчилгээ”-г үзүүлэх юм.

Ийнхүү шинээр байгуулагдсан “Student Samushil Career HUB” төв нь хөдөлмөрийн зах зээлд өрсөлдөх чадвартай, бэлтгэгдсэн оюутан залуусыг дэмжих, чиглүүлэх цогц үйлчилгээний шинэ орон зай болж байна.