ШИНЖЛЭХ УХААН, ТЕХНОЛОГИЙН ИХ СУРГУУЛЬ

Боловсролын байгууллагын менежментийн тогтолцоо - Шаардлага, хэрэглэх арга зүйн заавар, MNS ISO 21001:2021 болон Менежментийн тогтолцоонд аудит явуулах заавар – MNS ISO 19011:2020 стандартын сургалт зохион байгуулагдлаа.

ШУТИС нь 2018 оноос хойш үйл ажиллагаандаа MNS ISO 21001:2021 Боловсролын байгууллагын менежментийн тогтолцооны олон улсын стандартыг хэрэгжүүлж байгаатай холбогдуулан ажилтнуудын оролцоог нэмэгдүүлэх, үйл ажиллагаагаа сайжруулах, мэдлэг ойлголтыг баталгаажуулах зорилгоор бүрэлдэхүүн сургуулиудын дэмжих багийн гишүүдэд Боловсролын байгууллагын менежментийн тогтолцоо - Шаардлага, хэрэглэх арга зүйн заавар MNS ISO 21001:2021 стандарт, болон MNS ISO 19011:2020 Менежментийн тогтолцоонд аудит явуулах заавар – стандартын сургалтыг Засгийн газрын тохируулагч агентлаг Стандарт хэмжил зүйн газартай хамтран ШУТИС- дээр 2025 оны 9-р сарын 08, 09, 10-ны өдрүүдэд зохион байгууллаа.

Сургалтыг Стандарт хэмжил зүйн газрын Мэдээллийн технологи, стандартын лавлагаа, сургалтын төвийн дарга Ч.Содном нээж суралцагчдад амжилт хүслээ.

Сургалтаар:

ISO 21001:2021 стандартын ойлголт, шинэчлэлийн талаархи мэдээлэл
Чанарын менежментийн тогтолцооны арга хэрэгслүүд
1. Үйл явцын хандлага
2. Байнгын сайжруулалтын мөчлөг PDCA
3. Эрсдэлд суурилсан сэтгэлгээ сэдвээр

нийт 84 дэмжих багийн гишүүд багш, ажилтнууд хамрагдаж “Боловсролын байгууллагын менежментийн тогтолцоо - MNS ISO 21001:2021 стандартын мэдлэг ойлголтыг баталгаажууллаа.

Бүрэлдэхүүн сургуулиуд дотоод аудитыг хэрхэн зохион байгуулах талаар

Менежментийн тогтолцоонд аудит явуулах заавар – MNS ISO 19011:2020 стандартын агуулга
Аудитын суурь ойлголт, нэр томъёо
Аудиторын ур чадварт тавигдах шаардлагууд
Аудит явуулах техник
Менежментийн тоголцоонд дүн шинжилгээ хийх
Үл тохирлыг илрүүлэх, холбогдох арга хэмжээг авах
Аудитын үр дүнг хэрхэн тайлагнах талаар

62 ажилтан хамрагдаж гэрчилгээжив.

Цаашид бүрэлдэхүүн сургуулиуд нь үйл ажиллагаандаа MNS ISO 19011:2020 стандартын дагуу дотоод аудитыг удирдан зохион байгуулж MNS ISO 21001:2021 Боловсролын байгууллагын менежментийн тогтолцоо стандартын тасралтгүй сайжруулалтыг хангаж ажиллахад үнэтэй хувь нэмэр оруулна гэдэгт итгэлтэй байна.