ШИНЖЛЭХ УХААН, ТЕХНОЛОГИЙН ИХ СУРГУУЛЬ

Хүнсний биотехнологи, Хүнсний микробиологийн ангийн 3, 4-р курсын ангийн оюутнууд Микробиологи-Иммунологийн улсын III олимпиадад амжилттай оролцлоо.

Монгол улсын шинжлэх ухаан, эрүүл мэнд, төр нийгмийн нэрт зүтгэлтэн, Монгол улсын гавъяат багш, Профессор Г.Жамбын нэрэмжит “Микробиологи-Иммунологийн улсын 3-р олимпиад”-ыг микробиологи, иммунологийн хичээлийн сургалтын хөтөлбөртэй их, дээд сургуулийн дунд ЭМШУИС-аас амжилттай зохион байгуулсан.

Тус олимпиадад Био-Анагаахын Сургууль, МУИС-ийн Биологи Биотехнологийн Сургууль, ШУТИС-ийн Хүнсний Инженер, Биотехнологийн Сургууль, ХААИС-ийн Мал Эмнэлэг Биотехнологийн Сургууль, Этүгэн Дээд Сургуулийн нийт 162 оюутан оролцсон. Олимпиад нь хувийн болон багийн төрлөөр зохион байгуулагдсан.

Тус олимпиад нь 2012 оны 11-р сарын 10-ний өдөр ЭМШУИС-ийн төв байранд амжилттай болж өнгөрлөө. Манай сургуулийн биотехнологи, микробиологийн чиглэлээр суралцдаг 3, 4-р курсийн нийт 12 оюутан хувийн болон багийнтөрлөөр оролцлоо. Хувийн амжилтаар Хүнсний микробиологийн 3-р курсын оюутан Э. Гүнжилмаа 35-т жагссан бол багийн төрлөөр нийт 9 баг оролцсоноос 4-р байранд орлоо.

Тус олимпиадад багийн дасгалжуулагч багшаар ажилласан доктор Г.Төрмөнх, зөвлөгөө өгсөн доктор Ц.Энхтуул нарт нийт хамт олныхоо өмнөөс талархал илэрхийлж, цаашид оюутнуудад нь улам их амжилт гаргахыг хүсэн ерөөе.