ШУТИС-д MJEED төслийн хэрэгжилтийн 10 жилийн үр дүнг дүгнэх симпозиумын 2025 оны 10 сарын 01-ний өдрийн нэг онцлох үйл явдал нь ШУТИС-ийн Хэрэглээний Шинжлэх Ухааны Сургууль (ХШУС) болон Япон улсын Кумамoто Их Сургуультай хамтарсан “Хэрэглээний Математик” бакалаврын 2.5+2 сургалтын хөтөлбөрийн гэрээнд гарын үсэг зурах үйл ажиллагаа байлаа.
Тус үйл ажиллагаанд ШУТИС-ийн Сургалт, оюутны хөгжил эрхэлсэн проректор Н. Эрдэнэхүү болон Кумамoто их сургуулийн Профессор Yasuyuki Morita нар “ХЭРЭГЛЭЭНИЙ МАТЕМАТИК” хамтарсан бакалаврын хөтөлбөрийн гэрээг үзэглэв.
“ХЭРЭГЛЭЭНИЙ МАТЕМАТИК” бакалаврын хамтарсан хөтөлбөр нь 2026-2027 оны хичээлийн жилээс хэрэгжиж эхэлнэ. Элсэгчид нь ШУТИС-д 2.5 жил суралцсаны дараа тодорхой шалгуур хангасан суралцагчид Кумамото их сургуульд үргэлжлүүлэн 2 жил суралцан, Кумамото их сургууль болон ШУТИС-ийн хос дипломтой төгсөнө. Хэрэглээний математик хамтарсан бакалаврын сургалтын хөтөлбөр болон гэрээг боловсруулах нөр их үйлсэд үнэтэй хувь нэмэр оруулсан ШУТИС-ийн санхүү, төлөвлөлт эрхэлсэн проректор В. Өлзийбаяр, Математикийн тэнхимийн дэд профессор Г.Батцэцэг, профессор Б.Очирбат, профессор Д.Нямсүрэн, ахлах багш Т.Гэрэлтуяа, математикийн тэнхимийн профессор багш нарт болон Кумамото их сургуулийн профессор Naoyasu Kita нарт гүн талархал илэрхийлье.
ХШУС-ИЙН ЗАХИРГАА
ШУТИС-ийн инженер Дэлхийн цомын тэмцээнээс хүрэл медаль хүртлээ
ШУТИС-ийн харьяа Хөнгөн үйлдвэрийн судалгаа, хөгжлийн хүрээлэн “Арьс ширэн түүхий эд бэлтгэл-2026” сургалт, хэлэлцүүлгийг хамтран зохион байгуулав
ШУТИС үндэсний хүнс үйлдвэрлэлийн компаниудтай хамтын ажиллагааны санамж бичиг байгууллаа
Европын холбооны санхүүжилттэй ERASMUS Mobility+ хөтөлбөрийн хүрээнд багшийг чадавхжуулах, багш солилцооны хөтөлбөр амжилттай хэрэгжлээ
С.Дэлгэрмаа Хөдөө аж ахуйн шинжлэх ухааны доктор (Sc.D)-ын зэрэг хамгааллаа
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
