Европын холбооны Судалгаа ба хөгжүүлэлтийн SHIFT төслийн хүрээнд “SHIFT-MUST-2025” олон улсын эрдэм шинжилгээний хурал семинарыг ШУТИС-ийн судлаачдын хамтарсан баг амжилттай зохион байгуулав. Тус хуралд 8 орны 30 гаруй эрдэмтэд, залуу судлаачид танхим болон онлайнаар оролцсон бөгөөд биоматериал, биоанагаах, эмийн ургамал, биологийн идэвхт нэгдэл, биоинженеринг, биоаюулгүй байдлын чиглэлээр хэрэгжүүлсэн судалгааны ажлын үр дүнг нээлттэй хэлэлцэж, туршлага солилцож, мэдлэгээ дээшлүүлсэн чухал арга хэмжээ боллоо. Тухайлбал, Итали, Португал, Их Британи, БНСУ, Тайланд, Малайз, Австрали улсууд болон Монгол улсын нийт 11 судлаач, эрдэмтэд илтгэл тавьж хэлэлцүүлснээс гадна манай улсын ШУТИС, МУИС, ХААИС, АШУҮИС зэрэг их дээд сургуулийн судлаач багш нар, ШУА-ийн Биологийн хүрээлэнгийн залуу эрдэмтэд дээрх сэдвийн хүрээнд хийсэн судалгааны ажлын үр дүнгээ ханын илтгэлээ танилцууллаа. SHIFT төсөл болон үүний өмнөх REMIX төслийн хүрээнд ШУТИС-ийн 10 гаруй судлаачид өндөр түвшний судалгааны хүрээлэн, төв, лабораторид судалгаа, туршилтын ажлаа гүйцэтгэж, мэдлэг, ур чадвараа дээшлүүлснийг дурдах нь зүйтэй. Цаашид төслийн дараагийн үе шатыг хэрэгжүүлэх, судалгаа, хөгжүүлэлтийн хамтын ажиллагааны талаар оролцогч талууд санал тохиролцов
Монгол–Японы хамтарсан судалгаа – бизнес түншлэл 2026 болж байна
БНСУ-ын Сүнчонхян их сургуулийн төлөөлөгчид ШУТИС-д айлчилж, хамтарсан хөтөлбөрийн 10 жилийн ойг тэмдэглэлээ
ШУТИС 2026–2027 оны хичээлийн жилд шинээр элсэгчдэд зориулсан нэгдсэн уулзалт, orientation арга хэмжээ зохион байгууллаа
“Эрчим хүчний салбарын залуу инженерүүдийн техникийн ур чадварыг дээшлүүлэх төсөл” амжилттай хэрэгжиж, хаалтын арга хэмжээгээ зохион байгууллаа
Япон Улсын Ямагата мужийн захиргааны төлөөлөгчид ШУТИС-д айлчиллаа
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
