Шинжлэх ухаан, технологийн их сургуулийн Удирдах зөвлөл 2025 оны 12 дугаар сарын 10-ны өдөр хуралдаж, их сургуулийн 2026 оны үйл ажиллагааны үндсэн бодлого, хөрөнгө оруулалт, хөгжлийн зорилтуудыг хэлэлцэн батлав.
Хурлаар ШУТИС-ийн 2026 оны төсөв баталлаа. Мөн ирэх жилийг “Чанар, ёсзүйн жил” болгон зарлах шийдвэр гаргав. Энэ хүрээнд сургалт, судалгааны чанарыг дээшлүүлэх, багш, ажилтны ёс зүй, мэргэжлийн хөгжил, нийгмийн хамгааллын бодлогыг сайжруулах, оюутны хөгжлийн орчныг бодитой дэмжих зорилтот ажлуудыг хэрэгжүүлэхээр төлөвлөөд байна.
Мөн дижитал шилжилтийг эрчимжүүлж, их сургуулийн бүтээмж, удирдлагын үр нөлөөг нэмэгдүүлэх бодлогын хүрээнд мэдээллийн технологийн дэд бүтцийг хөгжүүлэх, цахим үйлчилгээг өргөжүүлэх ажлуудад онцгойлон анхаарахаар тусгажээ.
Хурлаар хэлэлцсэн бас нэг чухал асуудал нь Мэдээлэл, холбооны технологийн сургуулийг түшиглэн “Дижитал технологийн судалгаа хөгжлийн хүрээлэн” байгуулах шийдвэр байлаа. Энэхүү хүрээлэн нь их сургуулийн дижитал хөгжил, технологийн инноваци, судалгааны шинэ чиглэлүүдийг хөгжүүлэх үндэсний хэмжээний гол төв болох зорилттой. Дээрх болон бусад тогтоолын төсөлтэй эндээс танилцаж болно.
ШУТИС-ийн харьяа Политехник Коллежийн Техникийн боловсролын анхны төгсөлт боллоо
Нийслэлийн 29 дүгээр сургуулийн тусгай хэрэгцээтэй суралцагчдад Монгол хэл, бичгийн шалгалтад бэлтгэх зөвлөгөө өглөө
ШУТИС-ийн инженер Дэлхийн цомын тэмцээнээс хүрэл медаль хүртлээ
ШУТИС-ийн харьяа Хөнгөн үйлдвэрийн судалгаа, хөгжлийн хүрээлэн “Арьс ширэн түүхий эд бэлтгэл-2026” сургалт, хэлэлцүүлгийг хамтран зохион байгуулав
ШУТИС үндэсний хүнс үйлдвэрлэлийн компаниудтай хамтын ажиллагааны санамж бичиг байгууллаа
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
