ШИНЖЛЭХ УХААН, ТЕХНОЛОГИЙН ИХ СУРГУУЛЬ

ШУТИС-ийн Гадаад хэлний сургуулийн багш, ажилтан, төгсөгчдийн волейболын нөхөрсөг тэмцээн боллоо

Жил бүр уламжлал болгон зохион байгуулдаг ШУТИС-ийн Гадаад хэлний сургуулийн багш, ажилтан, төгсөгчдийн волейболын нөхөрсөг тэмцээн боллоо.

Тус сургуулийн Солонгос хэлний ангийн төгсөгчдийн нэрэмжит волейболын тэмцээн 2025 оны 11 дүгээр сарын 29-нд амжилттай болж өндөрлөө. Тус тэмцээнд нийт 7 баг оролцсоноос:

Англи-Орос хэлний 2003 оны төгсөгчдийн баг алтан медаль, өргөмжлөл, мөнгөн шагнал
Хятад хэлний төгсөгчдийн баг мөнгөн медаль, өргөмжлөл, мөнгөн шагнал
Солонгос хэлний багш нарын баг хүрэл медаль, өргөмжлөл, мөнгөн шагнал
Англи-Орос хэлний 2002, 2004 оны төгсөгчдийн холимог баг тусгай байранд орж өргөмжлөл, мөнгөн шагналаар шагнуулав.

Мөн тэмцээний үеэр ШУТИС-ийн Гадаад хэлний сургууль болон “ШУТИС-ийн Бид нэг үе тэмүүлэл” төгсөгч дэмжигчдийн холбоо хамтран ажиллах гэрээ (санамж бичиг)-нд гарын үсэг зурж, төгсөгч–сургуулийн хамтын ажиллагааг бэхжүүлэх, төгсөгчдийн оролцоог нэмэгдүүлэх, цаашдын хамтарсан арга хэмжээ, төсөл хөтөлбөрийг хэрэгжүүлэхэд хамтран ажиллахаар тохиролцлоо.