ШУТИС Японы “Сүмитомо” корпорацитай хамтран ажиллах гэрээ 2010 онд байгуулж байсан билээ. Харин 2012 оны 12 дугаар сарын 12-ны өдөр хамтран ажиллах гэрээгээ шинэчлэн байгууллаа. Гэрээнд “Сүмитомо” корпорацийн удирдлагууд гарын үсэг зурж Улаанбаатар дахь төлөөлөгчийн газрын ерөнхий менежер Ясүнори Аокигоор дамжуулан хүргүүлжээ. ШУТИС-ийн ректор Б.Дамдинсүрэн тус корпорацитай хамтран ажиллах гэрээ шинэчлэн байгуулж байгаад баяртай байгаагаа илэрхийлээд, гэрээг үзэглэж баталгаажууллаа.
Хуучин гэрээний дагуу “Сүмитомо” корпораци жил бүр ШУТИС-ийн 15 оюутанд 300 ам.долларын тэтгэлэг олгодог байсан бол шинэчилсэн гэрээгээр 20 оюутанд 500 ам.долларын тэтгэлэг олгохоор боллоо. “Сүмитомо” корпорацийн Улаанбаатар дахь төлөөлөгчийн газрын хүсэлт гаргасны дагуу Япон улс дахь “Сүмитомо” корпораци тэтгэлэгийн тоо, мөнгөн дүнг нэмэгдүүлэхээр шийдвэрлэжээ.
Цаашид “Сүмитомо” корпораци ШУТИС-ийн оюутнуудыг ажлын байраар хангах, оюутны хөгжлийн талаарх үйл ажиллагаанд хамтран ажиллахаар боллоо. Мөн “Монголын үндэсний хиймэл дагуул” хөтөлбөрийн ажлын хэсэг “Сүмитомо” корпорацийн зардлаар өнгөрсөн долдугаар сард Япон улсыг зорьж туршлага судалсан байна. Энэ ажлын хэсэгт орж ажиллаж байгаа ШУТИС-ийн ректор Б.Дамдинсүрэнд хиймэл дагуул хөөргөх сургалтад хамрагдсан сертификат олгов.
Монголын 2025 оны оюутны УАШТ-д нийт 26 их дээд сургууль оролцсоноос доктор, профессор Т.Намнан ректортой ШУТИС-ийн баг 50 оноогоор хоёрдугаар байранд шалгарлаа
Бүгд Найрамдах Энэтхэг Улсын Засгийн газрын Техник, эдийн засгийн хамтын ажиллагааны хөтөлбөр (ITEC)-өөр “Газрын тос боловсруулах үйлдвэр”-ийн чиглэлээр сургалтад хамрагдав
Монгол Улсын Ерөнхийлөгчийн санаачилсан тэрбум мод үндэсний хөдөлгөөнийг дэмжин ШУТИС-ийн харьяа эрдэм шинжилгээний хүрээлэнгүүд нэгдэж мод тарив
“Технологи ба хүний эрх” сэдвийн хүрээнд хамтран ажиллах санамж бичиг байгууллаа
Гар барилдааны төрөлд оролцож хүрэл медаль хүртлээ
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
