ШУТИС-ийн гадаад хамтын ажиллагааны хүрээнд Гадаад хэлний сургууль 2021-2022 оны хичээлийн жилд БНХАУ-ын Шаньдун ШУТИС-тай байгуулсан хамтын ажиллагаагаа өргөжүүлэн оюутан солилцооны тэтгэлэгт хятад хэлний “1+1+2 хөтөлбөр” хэрэгжүүлж эхэлсэн.
2025-2026 оны хичээлээс Шаньдун ШУТИС-ийн айлчлалын хүрээнд үйл ажиллагаагаа өргөжүүлэн англи хэлний 1+1+2 хөтөлбөр, хятад хэлний эрчимжүүлсэн өвөл, зуны сургалтын гэрээ амжилттай байгуулж, зуны сургалтаар хэрэгжүүлж эхэлсэн болно.
2026-2027 оны хичээлийн жилд хятад хэлний 5 дахь ээлжээр 12, англи хэлний анхны ээлжээр 9 нийт 21 оюутан БНХАУ-ын Шаньдун ШУТИС-д суралцахаар зорилоо.
Тус хөтөлбөрт тэнцсэн ГХО хөтөлбөрийн техник технологийн орчуулагчийн хятад, англи хэлний оюутнууд маань 2026 оны 09 дүгээр сарын 14-ний өдрөөс Шаньдун ШУТИС-д олон орны оюутнуудтай мөр зэрэгцэн хичээл, дадлагаа хослуулан шамдан суралцаж эхэллээ.



Хөтөлбөрт хамрагдсан оюутнууддаа сурлагын өндөр амжилт хүсч, төсөл хөтөлбөрүүдийг хэрэгжүүлж буй ШУТИС-ийн Гадаад хэлний сургуулийн дэд профессор Ц.Эрдэнэзаяа, Шаньдун ШУТИС-ийн Олон улсын соёлын солилцооны сургуулийн олон улсын хамтарсан хөтөлбөр хариуцсан дарга Ли Чинжиэн сургуулийн удирдлага хамт олон, тус ээлжийн оюутнуудыг хариуцсан С.Анужин, мэргэжлийн болон зөвлөх профессор багш нартаа гүнээ талархаж, эрдэм судлалын үйлсэд нь амжилтын дээдийг ерөөе!
ШУТИС-ГХС-АСТ-ХХШТ
ХЯТАД ХЭЛНИЙ БАГ
2026.09.13
ШУТИС-д Монгол, Энэтхэгийн эрдэм шинжилгээний хамтын ажиллагааны хурал боллоо
"Илчээ алдаагүй үгс" яруу найргийн наадам амжилттай зохион байгуулагдлаа
Уралын холбооны их сургуультай инженерчлэл, эрчим хүч, боловсролын солилцооны чиглэлээр хамтын ажиллагааг өргөжүүлнэ
ШУТИС-ийн БАС-ийн Сургалт, дадлага, лабораторийн барилгын шав тавих ёслол боллоо
«Автомат Робот-2026» намрын тэмцээнд 517 оролцогч өөрсдийн зохион бүтээсэн роботоороо өрсөлдлөө