ШИНЖЛЭХ УХААН, ТЕХНОЛОГИЙН ИХ СУРГУУЛЬ

“Ажил Олгогчдын Нээлттэй Өдөрлөг” болно

Шинжлэх ухаан, технологийн их сургуулиас төгсөгчдөө ажил олгогчдод танилцуулах зорилготой ээлжит “Ажил Олгогчдын Нээлттэй Өдөрлөг”-ийг зохион байгуулах гэж байна.

Өдөрлөг 2013 оны 5 дугаар сарын 22-нд ШУТИС-ийн Төв номын сангийн 6 давхарт болно. Тус өдөрлөг нь төгсөгчдөө ажилд зуучлах, хөдөлмөрийн зах зээлийн мэдээлэл, зөвлөгөө хүргэх, ШУТИС болон байгууллагын хамтын ажиллагааг өргөжүүлэх зорилготой.

Оролцож буй аж ахуй нэгж байгууллага нь дараах үйл ажиллагааг явуулах юм. Үүнд:

Байгууллагын хүний нөөцийн бүрдүүлэлтээ хийх
Брэнд бүтээгдэхүүн, үйлчилгээгээ танилцуулах
Үйл ажиллагаа, бизнесийн хэтийн зорилгоо олон нийтэд хүргэх

Өдөрлөгт ажил олгогч аж ахуй нэгжүүд, ШУТИС болон бүрэлдэхүүн МСҮТ, Коллежийг мэргэжилтэй ажилчнаар төгсөж буй төгсөгчид, хөдөлмөр эрхлэлтийн байгууллагуудад бүртгэлтэй ажил идэвхитэй хайж буй иргэд оролцоно.