ШИНЖЛЭХ УХААН, ТЕХНОЛОГИЙН ИХ СУРГУУЛЬ

ШУТИС-ийн аэробикчид...

Одоогоос 1 жилийн өмнө буюу 2012.05.31 –ний өдөр ШУТИС-ийн оюутны Аэробикийн баг тамирчид Болгар улсын Софи хотноо зохион байгуулагдсан Дэлхийн Аварга шалгаруулах тэмцээний хагас финалаас шалгаран 2012.06.01 –ний өдөр финалд өрсөлдөн МУ-ын спортын, тэр дундаа Монголын гимнастикийн түүхэнд анх удаа багийн төрлөөр цоо шинэ амжилтыг байгуулан “ХҮРЭЛ” медалийн эзэд болсон бахархам түүхтэй билээ.

Оюутан тамирчдынхаа амжилтыг мөнхөлж, жил бүр уламжлал болгон Горхи дахь төрөлх сургуулийнхаа полигонд мод тарих уламжлалт ажлыг 1 жилийнхээ ойгоороо эхлүүллээ.

Тун удахгүй манай Аэробикийн баг тамирчид Колумб улсын Кали хотноо 2013.07.24 –өөс 2013.08.04 –ны өдрүүдэд зохион байгууллагдах “WORLD GAME, CALI-2013” / дэлхийн 120 гаруй орны 4000 гаруй тамирчид спортын 31 төрлөөр/ их наадамд Монгол Улсаа төлөөлөн оролцохоор бэлтгэл сургуулилтаа эрчимтэй хийж байна.

Иймд баг тамирчиддаа спортын өндөр амжилт хүсье!

НТС, БТСТэнхим