Эрчим хүчний инженерийн сургуулийн Дулаан солилцоо, термодинамикийн профессорын баг дэлхийн түвшинд хүрсэн Дулааны цахилгаан станцын симулятор лаборатортой боллоо. Тус лабораторийн нээлтийн ажиллагаа 2013 оны 11 дүгээр сарын 15-ны өдөр болж Эрчим хүчний яамны Төрийн захиргааны удирдлагын газрын дарга Л.Батсайхан, ЭХСХТөвийн дэд дарга Д.Тулга ШУТИС-ийн ректор Б.Очирбат, проректор Х.Энхжаргал, Ч.Баасандаш, ЭХИС-ийн захирал Ч.Мангалжалав болон профессор, багш нар оролцлоо.
Тус лаборатори нь үндсэн гурван хэсгээс бүрдэж байгаа аж. Эхний хэсэг нь Микро дулаан цахилгаан станц буюу судалгааны стенд дээр бакалавр оюутнуудад хичээл заах юм. Хоёрдахь нь өндөр хүчин чадлын 300 мв ДЦС-ын математик загвар, компьютерийн удирдлагатай. Үүндээр бакалавр, магистр, доктор оюутнууд суралцах боломжтойгоос гадна инженерийн зэрэг олгох сургалт, давтан сургалт, шинээр байгуулагдах ДЦС-ын ажилчдыг бэлгэх юм.
Гурав дахь хэсэг нь одоо ажиллаж байгаа ДЦС-ын дулаан зуухны горим, тохируулгын туршилт судалгаа, эрдэм шинжилгээний ажил хийх бололцоотой иж бүрэн зөөврийн хэмжүүр байгаж байна. ДЦС-ын мэргэжилтэн бэлтгэх материаллаг бааз бүхий тус лабораторийн зарим технолги нь манайд ДЦС-д хэрэглэгдээгүй сүүлийн үеийнх боловч шинээр баригдах дулаан цахилгаан станцууд энэ технологиор баригдана.
Тус лабораторид ирээдүйн шилдэг инженерүүдийг бэлтгэн гаргана гэж Дулаан солилцоо, термодинамикийн профессорын багийн хамт олон итгэл дүүрэн байна. Лабораторийг Эрчим хүчний яамны 605 сая төгрөгийн хөрөнгө оруулалтаар байгуулжээ.
ШУТИС-ийн төгсөгч Б.Наранбат 2024 оны Соёлын биет бус өвийн шилдэг өвлөн уламжлагчаар шалгарлаа
Өвөрмонголын их сургуулийн Үйлс бүтээлийн сургуулийн төлөөлөгчдийг хүлээн авч уулзав.
ШУТИС Узбекстан Улсын Текстил ба хувцас үйлдвэрлэлийн Ассоциацитай харилцан ойлголцлын санамж бичиг байгууллаа
Канадын Йоркийн их сургууль болон Шинжлэх Ухаан Технологийн их сургууль хамтран хэрэгжүүлэх судалгааны төслийн нээлтэд зориулсан Эрдэм шинжилгээний хурал зохион байгуулагдлаа
ШУТИС "Бүс ба Зам" шинжлэх ухаан, технологийн санаачилгын олон улсын чуулга уулзалтад амжилттай оролцлоо
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
